ԱՄՆ-ը օգտագործում է Գեբելսի հռետորաբանությունը Իրանում իրավիճակը ապակայունացնելու համար․ Բաղայի
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ իշխանությունները Նացիստական Գերմանիայում քարոզչության հարցերը համակարգող Յոզեֆ Գեբելսի հռետորաբանությունն են օգտագործում Իրանում իրավիճակը ապակայունացնելու համար, ինչը վերջ է դրել երկրների միջև բանակցային գործընթացին։ Նման կարծիք է հայտնել Իրանի ԱԳՆ ներկայացուցիչ Էսմայիլ Բաղային, հայտնում է ՏԱՍՍ-ը։
«Հենց ԱՄՆ-ի և Իսրայելի ռեժիմների կողմից պատերազմի անխոհեմ բորբոքումն է կործանել խոստումնալից դիվանագիտական գործընթացները և Իրանի դեմ չհրահրված ռազմական ագրեսիայի միջոցով դիտավորյալ վտանգ ստեղծել անվտանգության համար կենսական նշանակություն ունեցող էներգետիկ երթուղիներում, միայն թե հետո Իրանին մեղադրի ապակայունացման մեջ, որպեսզի կյանքի կոչի Գեբելսի տխրահռչակ ասացվածքը. «Մեղադրի՛ր ուրիշներին այն բանում, ինչ ինքդ ես անում»»,- գրել է նա:
Բաղային նաև հայտարարել է, որ Իրանի նկատմամբ ԱՄՆ գործողությունները նման են հռոմեական զորավար Գնեոս Հուլիոս Ագրիկոլայի (մ.թ. 40 - 93 թթ.) արշավանքներին Բրիտանական կղզիներ, որոնք իրենցից հետո միայն անապատ թողեցին։
«Սա նրանց սովորական, ցինիկ գործողությունների ծրագիրն է. հրահրել ճգնաժամ և պատերազմ, իսկ հետո շարունակել էսկալացիան՝ «կայունության վերականգնման» կամ «խաղաղության պաշտպանության» վեհ կարգախոսի ներքո»,- գրել է նա։
Բաղային նաև մեջբերել է Փուբլիոս Կոռնելիոս Տացիտոսի «Հուլիոս Ագրիկոլայի կենսագրությունը» երկի հատվածից մի մեջբերում, որում նկարագրվում է զորավարի դաժան արշավանքը Բրիտանական կղզիներում։
Ըստ երկի՝ կալեդոնյան ցեղերի համադաշնության առաջնորդ Կալգակը, պարտություն կրելով Ագրիկոլայի զորքերից, ասել է, որ հռոմեացիները անապատ են ստեղծում և դա անվանում խաղաղություն՝ նկատի ունենալով այն ավերածությունները, որոնք կայսրության զինվորները թողել էին արշավանքից հետո։
Հետևեք մեզ՝ այստեղ
1
2
3
4
5
1
2
3
4
5
1
2
