Գավառ քաղաքում իրականացվում են ծառերի էտման, կրապատման եւ կանաչապատման աշխատանքներ
Հասարակություն
Ապրիլի երկրորդ կեսից Գավառ քաղաքում կատարվում են ծառերի սանիտարական հատման աշխատանքներ, որոնք իրականացվում են Գավառի «Կոմունալ սպասարկում եւ բարեկարգում» ՀՈԱԿ-ի կողմից:
Ինչպես «Արմենպրես»-ին տեղեկացրին Գավառի քաղաքապետարանի աշխատակազմից, վերջին օրերի ընթացքում սանիտարական հատման աշխատանքներ են իրականացվել քաղաքի բոլոր կենտրոնական փողոցներոում: Ծառերի կտրված ճյուղերը քաղաքապետարանի կողմից որպես վառելանյութ տրամադրվում են սոցիալապես անապահով ընտանիքներին: Ծառերի սանիտարական հատման աշխատանքները կշարունակվեն մինչեւ ամսվա վերջ, ինչին զուգահեռ կիրականացվեն նաեւ ծառերի կրապատման, սիզամարգերի եւ կանաչապատ տարածքների խնամքի, ինչպես նաեւ ծառատնկման աշխատանքներ:Աշխատանքներն իրականացվում են տեղական բյուջեի միջոցների հաշվին: Ապրիլի 23-ին Գավառի քաղաքապետարանի կողմից հայտարարվել է համաքաղաքային շաբաթօրյակ:
«Շաբաթօրյակին մասնակցելու են քաղաքապետարանի աշխատակազմը, քաղաքապետարանի ենթակայությամբ գործող կազմակերպությունները, հանրակրթական դպրոցները, պետական ու մասնավոր այլ կազմակերպություններ, որոնց ուժերով քաղաքն ամբողջությամբ պետք է մաքրենք կենցաղային աղբի թափոններից: Կուտակված աղբը կտեղափոխվի գլխավոր աղբավայր, իսկ քաղաքը Հայոց ցեղասպանության զոհերի հիշատակի 101-րդ տարելիցը կդիմավորի մաքուր ու բարետես վիճակում»,-հավաստեց Գավառի քաղաքապետի տեղակալ Գրիգոր Բոշյանը:
Խոսրով Խլղաթյան
1
2
3
4
5
1
2
3
5
1
2
3
4
5
