Ազատվե՛նք մոծակներից, լինե՛նք երջանիկ. վարչապետն օլիգարխների դեմ ապարդյուն պայքարից անցավ մոծակներին

Հերթական խայտառակությունը՝ օրը ցերեկով.

Այսօր  ՀՀ կառավարությունը գյուղատնտեսության նախա րարութ­յանը հատկացրեց 15 մլն դրամ՝ Ջերմուկ քաղաքի տարածքում մոծակների և այլ խայթող միջատների դեմ պայքարի միջոցառումներ իրականացնելու նպատակով:

Նշենք, որ գումարը հատկացվել է  Հայաստանի Հանրապետության 2015 թվականի պետական բյուջեով նախա­տեսված Հայաս տանի Հանրապետության կառավարության պահուս տային ֆոնդի հաշվին:

Հարկ ենք գտնում մեր ընթերցողներին հիշեցնել, որ անցած տարի ևս ՀՀ կառավարությունը Ջերմուկ քաղաքի տարածքում մոծակների և այլ խայթող միջատների դեմ պայքարելու համար հատկացրել էր 4.576.300 դրամ:  Բայց արի ու տես, որ Ջերմուկի իշխանություններն անցած տարի հայտարարեցին, որ նման ահռելի գումար միջատների դեմ պայքարելու համար ընդհանրապես պետք չէր, քանզի Ջերմուկում նկատվում է մոծակների խիստ բացակայություն:

Այստեղ հարց է առաջանում՝  բա հիմա էտ փողերն ի՞նչ պետք է անեն, հո նվերը հետ չեն տա... Ամենեւին, մեր վարչապետը շռայլ է իր գործողություններում, նա սիրում է շքեղություն եւ բարեկեցություն,  դրա վառ ապացույցն է տարբեր երկրների շեյխերի հետ հադիպումները: Հավանաբար հենց այդ հանդիպումների ընթացքում է, որ վարչապետը որոշել է կրկին գումար հատկացնել առանց այդ էլ կիսադատարկ բյուջեից, այն էլ մոծակներին սպանելու համար, չէ՞ որ «շեյխստաններում» մոծակների նա չի հանդիպել:

Արի ու տես, որ ախր Ջերմուկում մոծակ չեք հանդիպի. հավանաբար նրանք եւս վաղուց արտագաղթել են, եւ հետո ի՞նչ կլինի, որ մի երկու մոծակ էլ ՀՀ վարչապետին կծի Ջերմուկ այցելելիս, վերջին հաշվով քաղցրարյուն մարդ է չէ՞…

 Սոսե Չանդոյան

Աղբյուրը՝ orer.am