Թրամփը հայտնել է՝ Իրանի հետ հանդիպումը տեղի կունենա երեքշաբթի օրը Դոհայում
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ նախագահ Դոնալդ Թրամփը հայտարարել է, որ Իրանի հարցով հանդիպումը տեղի կունենա երեքշաբթի օրը Դոհայում՝ առանց լրացուցիչ մանրամասներ հաղորդելու։
«Իրանը հանդիպում է խնդրել։ Այն տեղի կունենա վաղը Դոհայում», - սոցիալական ցանցերում այսօր գրել է նախագահ Թրամփը:
Ավելի վաղ «Ազատությանը» ամերիկացի պաշտոնյան հայտնել էր, որ ԱՄՆ-ն և Իրանը համաձայնության են եկել դադարեցնել փոխադարձ հարձակումները, կրկին հանդիպել՝ բանակցելու, ինչպես նաև թույլ տալ նավերի անվտանգ տեղաշարժը Հորմուզի նեղուցով.
«Տեխնիկական բանակցությունները նախատեսվում են շարունակել [փոխըմբռնման հուշագրի] բոլոր ուղղություններով։ Երկու կողմերն էլ առժամանակ կդադարեցնեն ռազմական գործողությունները, և նավերը կարող են ազատորեն տեղաշարժվել [նեղուցով]», - նախօրեին ուշ երեկոյան հայտնել է պաշտոնյան։
Reuters-ի աղբյուրն էլ հաղորդել էր, որ տեխնիկական հարցերով խմբերի հանդիպումը տեղի կունենա առաջիկա օրերին՝ Դոհայում:
Այսօր, սակայն, «Թասնիմ» լրատվական գործակալությունը հաղորդեց՝ Իրանի փոխարտգործնախարար Քազեմ Ղարիբաբադին հայտարարել է, որ Իրան-ԱՄՆ փոխըմբռնման հուշագրի շրջանակում տեխնիկական աշխատանքային խմբի հանդիպումներն այս շաբաթ նախատեսված չեն:
Հետևեք մեզ՝ այստեղ
1
2
3
4
5
1
2
3
4
5
5
