Ընդլայնվում է «Սասնա ծռեր» էպոսին նվիրված հանրապետական փառատոնի շրջանակը

ՀՀ մշակույթի նախարարության աջակցությամբ և ««Սասնա տուն» քաղաքացիական հասարակության զար­գացման աջակցման կենտրոն» հասարակական կազմակերպության նախաձեռնությամբ անցկացվող «Սասնա ծռեր» էպոսին նվիրված հանրապետական փառատոնն այս տարի ներառում է էպոսասացության մրցույթ և շարադրությունների օլիմ­պիադա: Ինչպես  տեղեկացրին ՀՀ մշակույթի նախարարության հասարակայնության հետ կապերի բաժնից, մրցույթի հաղթողները հանդես կգան փառատոնի եզրափակիչ միջոցառմունը, որը տեղի կունենա ՀՀ Արագածոտնի մարզի Ուջան գյուղում` միտված լինելով այն դարձնել էպոսի կենսունակության և հանրահռչակման մշակութային տարածք:

Այս տարվա նորարարությունն այն է, որ առանձին միջոցա­ռումներ կանցկացվեն նաև ՀՀ Գեղարքունիքի և Արմավիրի մարզերում, ՀՀ ԳԱԱ հնագիտության և ազգագրության ինստիտուտում, Հովհաննես Շարամբեյանի անվան ժողովրդական ստեղծագործության կենտրոնում:

<<Սասնա ծռեր>> էպոսին նվիրված հանրապետական փառատոնն առաջջին անգամ անցկացվել է 2011 թվականին Արագածոտնի մարզի Ուջան համայնքում, հաջորդ տարիներին՝ Իրինդ և Ներքին Բազմաբերդ համայնքներում: Փառատոնի նպատակն է նպաստել ազգային ավանդական, հոգևոր-մշակութային արժեքների ճիշտ ընկալմանն ու գիտակցմանը, դրանց տարածմանն ու պահպանմանը: Այն կարևորվում է նաև նրանով, ՀՀ ներկայացրած <<Սասնա ծռեր կամ Սասունցի Դավիթ>> էպոսի կատարողական դրսևորումների հայտը 2012 թվականին ընդգրկվել է ՅՈՒՆԵՍԿՕ-ի մարդկության ոչ նյութական մշակութային ժառանգության ներկայացման ցանկում:

Աղբյուրը՝ Orer.am