Անկախության օրվանից հետո Նյուպորտ-Բիչում ավելի քան 400 մարդ է ձերբակալվել. LA Times

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կալիֆոռնիայի ափամերձ Նյուպորտ-Բիչ քաղաքում Անկախության օրվա տոնակատարության ընթացքում ձերբակալվածների թիվը գերազանցել է 400-ը։ Այդ մասին հուլիսի 5-ին հայտնել է Los Angeles Times (LA Times) թերթը՝ հղում անելով տեղական իրավապահ մարմիններին։

«Նյուպորտ-Բիչում Անկախության օրվա տոնակատարությունը վերածվել է քաոսի, ինչի հետևանքով տեղական իրավապահ մարմինները ձերբակալել են ավելի քան 400 մարդու»,- ասվում է տեքստում։

Նշվում է, որ շաբաթ օրը՝ հուլիսի 4-ի երեկոյան, ոստիկաններին ուղարկել են Նյուպորտ թերակղզի՝ զանգվածային անկարգությունների մասին հաղորդումների պատճառով. մեծ ամբոխներ հրավառություններ էին արձակում և մասնակցում էին կռիվների։ Ականատեսները տեղի ունեցողը նկարագրել են որպես «լիակատար քաոս»։ Նրանց խոսքով՝ հրավառություններ էին արձակում բոլոր կողմերից։ Նաև հաղորդվել է, որ անչափահասները ալկոհոլային խմիչքներ էին օգտագործում և բղավում էին հաստատությունների աշխատակիցների վրա։

Հաղորդագրության համաձայն՝ հաջորդ օրը տեղական կամավորները դուրս են եկել մաքրելու լողափն ու փողոցները։ Քաղաքը գործարկել է «Ոչ Նյուպորտում» արշավը՝ խախտումների նկատմամբ զրոյական հանդուրժողականությամբ։ Բացի այդ, սահմանվել է կարճաժամկետ վարձակալության թույլտվությունների հետկանչման կանոն այն սեփականատերերի համար, որոնց վարձակալները խախտում են օրենքները։

Հրապարակման տեքստի համաձայն՝ մեկ ոստիկան ստացել է կյանքին վտանգ չսպառնացող վնասվածքներ այն բանից հետո, երբ նրա ուղղությամբ ականանետային արկ են նետել։ Ձերբակալվածներից շատերը անչափահասներ և այլ շրջաններից ժամանածներ են եղել։

Հետևեք մեզ՝ այստեղ