Թուրքիայում բացահայտել են Էրդողանի դեմ մաhափnրձի պլանները՝ Եգիպտոսի նախագահի uպանnւթյան սցենարով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թուրքիայի ԶՈւ պաշտոնաթող բրիգադային գեներալ Իբրահիմ Բյույուքբաշը պնդում է, որ Թուրքիայի նախագահ Ռեջեփ Թայիփ Էրդողանի դեմ 2016 թվականին մահափորձ էր նախապատրաստվում Եգիպտոսի նախագահ Անվար Սադաթի՝ 1981 թվականի սպանության սցենարով։ Այս մասին հայտնում է ՌԻԱ Նովոստի-ն:

Գեներալի խոսքով՝ 2016 թվականի հուլիսի 15-ին կատարված պետհեղաշրջման փորձից քիչ առաջ Թուրքիայի նախագահը պետք է մասնակցեր զինվորական զորավարժությունների, սակայն ծրագիրը չեղարկվել էր՝ կասկածելի ակտիվություն հայտնաբերելուց հետո։ Ինչպես պնդում է Բյույուքբաշը, ավելի ուշ պարզվել է, որ Էրդողանի դեմ մահափորձը պլանավորվել էր 1981 թվականին Կահիրեում զինվորական շքերթի ժամանակ Եգիպտոսի նախագահ Անվար Սադաթի սպանության նմանությամբ։

«Մինչև հեղաշրջման փորձը նախագահ Էրդողանի դեմ մի քանի մահափորձ էր նախապատրաստվում»,- Yeni Akit թերթը մեջբերում է Բյույուքբաշի խոսքերը։

Պաշտոնաթող գեներալի տվյալներով՝ հեղաշրջման փորձից երեք ամիս առաջ Թուրքիայում արգելված FETÖ կազմակերպության կողմնակիցները, որին Անկարան մեղադրում է խռովության կազմակերպման մեջ, նույնպես պլանավորել էին առևանգել նախագահին Մարմարիսում, հասցնել «Դալաման» օդանավակայան, նստեցնել օտարերկրյա ավիաընկերության ինքնաթիռ և այնտեղ սպանել։

Բյույուքբաշի պնդմամբ՝ հետաքննության նյութերում առկա է շվեյցարական Albinati Aeronautics ընկերության ինքնաթիռը, որը շտապ թռչելու թույլտվություն էր խնդրել Էրդողանի՝ «Դալաման» ժամանելուց քիչ առաջ և չեղարկել չվերթը նախագահի կողմից օդանավակայանը լքելուց անմիջապես հետո։ Գեներալը հավելել է նաև, որ գործում նշվում են այդ ինքնաթիռի օտարերկրյա ուղևորների մասին, ովքեր այնուհետև լքել են Թուրքիան։

Իշխանությունները դեռևս չեն մեկնաբանել գեներալի հայտարարությունները։

2016 թվականի հուլիսի 15-ի գիշերը Թուրքիայում տեղի ունեցավ պետական հեղաշրջման փորձ, որի հետևանքով զոհվեց ավելի քան 250 մարդ։ Հեղաշրջման գիշերը Էրդողանը հանգստանում էր Մարմարիսում և լքել էր հյուրանոցը զինվորականների խմբի ժամանումից քիչ առաջ, որոնք հետագայում դատապարտվել էին նրա սպանության փորձի համար։ Խռովության ճնշումից հետո Թուրքիայում լայնածավալ հետաքննություններ և դատական գործընթացներ են անցկացվել դավադրության ենթադրյալ մասնակիցների նկատմամբ։

Հետևեք մեզ՝ այստեղ