Չեմ կարողանում զսպել արցունքներս. «Բանակում»-ի Գոռը տաղավարում խոսել է եղբոր ողբերգական կորստի մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ամիսներ առաջ անժամանակ կյանքից հեռացավ «Բանակում» հայտնի սերիալից հանրությանը քաջ հայտնի, երգիչ Գոռ Հարությունյանի եղբայրը՝ Գագիկը: Հարազատի կորուստը ծանր հարված էր ընտանիքի համար:

«MediaHub»-ի տաղավարում Գոռը, չկարողանալով զսպել հույզերն ու արցունքները, առաջին անգամ պատմել է եղբոր կյանքի վերջին օրերի և սեփական անսփոփ ապրումների մասին:

Հարցազրույցի ընթացքում երգիչը խոստովանել է, որ եղբոր բացակայությունը գնալով ավելի խորն է զգացվում, իսկ ցավը՝ անդառնալի.
«Ես իրեն բացակա չեմ դրել, ինքը կա, մեզ հետ է, բայց անդառնալի ցավ է եղբորս կորուստը»,- նշել է Գոռը:

Գոռ Հարությունյանը պատմել է, թե ինչպես է իմացել եղբոր վատառողջ լինելու մասին և ինչպես է հասցրել վերջին անգամ տեսնել նրան հիվանդանոցում.
«Շատ պատահական ստացվեց. իր կինն ու երեխաներն այստեղ էին, ինքը պետք է գար։ Ես հետ եմ եկել Կրասնոդարից, մի տասը օր հետո իր հետ խոսեցի, ասաց՝ լավ չի զգում: Տղաներին ուղարկել եմ իրենց տուն, տարել են հիվանդանոց, և այդ վատ դեպքը եղավ։ Ես հասցրել եմ իրեն տեսնել, բայց հիվանդանոցում»,- հուզմունքով հիշել է նա:

Անդրադառնալով ժամանակի հետ ցավի ամոքման թեմային՝ երգիչն ընդգծել է, որ իրականում ոչինչ չի մոռացվում, այլ հակառակը՝ կարոտն ու ցավն ավելի են խորանում.
«Ես չէի ասի, որ վերքը սպիանում է, գնալով ավելի է ցավեցնում։ Կյանքը շարունակվում է, փորձում ես ապրել, ես չեմ էլ ցանկանում, որ ինձ հասկանան, չեմ ուզում։ Ավելի ես սկսում կարոտել»,- եզրափակել է Գոռը:

Թամարա Քալանթարյան

Հետևեք մեզ՝ այստեղ