Չհամընկնումներ
Blog
Մովսես Դեմիրճյանը ֆեյսբուքյան իր էջում գրում է .
Հայ հասարակության առջև կանգնած գլխավոր խնդիրն աշխատատեղերն են և բարեկեցիկ կյանքի համար անհրաժեշտ նյութական ռեսուրսներ ձեռքբերելը:
Մինչդեռ քաղաքական համակարգում գլխավոր դիսկուրսը գնում է ինտեգրման, մարդու իրավունքների պաշտպանության, խոսքի և տեղեկատվության ազատության, իշխանությունների և նրանց մերձավորների կողմից օրենքի խախտման դեպքերի քողարկման, ԵՏՄ թե ԵՄ մտնելու մասին, սակայն այս հարցերից ոչ մեկի լուծումը չի բերելու աշխատատեղերի և բարեկեցիկ կյանքի՝ գլխավոր խնդրի լուծման:
Ավելի լայն՝ պետության ու հասարակության առջև կանգնած է գոյատևման հարցը, մինչդեռ քաղաքական հարթությունում երկրի զարգացման հարցն է քննարկվում, որը Հայաստանում ստեղծված իրավիճակի հետ որևէ կապ չունի. ի՞նչ զարգացման մասին կարելի է խոսել այսօր, ո՞ր ոլորտն է այնքան կայացել, որ արդեն կարող է զարգանալ: Մի գուցե, բժշկությու՞նը՝ այո, բայց դա պայմանավորված է հասարակության մեջ հիվանդությունների տարածվածությամբ, և զարգանում է, որովհետև այդ ոլորտը ֆինանսական մեծ մուտքեր ունի:
Ստացվում է, փաստորեն, որ Հայաստանում չի կարող զարգանալ այն ոլորտը, որը չի կարողանում ստեղծել սեփական ֆինանսական մուտքեր: Դրանք են արդարադատությունը, միջանակարգ կրթությունը, սոցիալական ապահովությունը, քաղաքաշինությունը, սփյուռքի հետ հարաբերությունները, մշակույթը և այլն:
1
2
3
4
5
1
2
3
4
5
2
3
4
5
