ԱՄՆ-ը պատժամիջnցներ է սահմանել Միջազգային քրեական դատարանի նախագահի և կազմակերպության իրավաբաններից մեկի նկատմամբ. Ռուբիո

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ-ը պատժամիջոցներ է սահմանել Միջազգային քրեական դատարանի նախագահի (ՄՔԴ) ղեկավար Տոմոկո Ականեի և կազմակերպության իրավաբաններից մեկի՝ Աբդուլայ Սեյեի նկատմամբ։ Այդ մասին X-ի իր էջում հայտնել է ԱՄՆ պետքարտուղար Մարկո Ռուբիոն։

Նրա խոսքով՝ անցյալ ամիս նա սկսել է արշավ, որն ուղղված է «Միջազգային քրեական դատարանի կողմից ազգային ինքնիշխանությանը սպառնացող վտանգի վերացմանը»։

«Թրամփի վարչակազմը պատժամիջոցներ է սահմանում ՄՔԴ նախագահ Տոմոկո Ականեի և ավագ իրավաբան Աբդուլայ Սեյեի նկատմամբ՝ ամերիկացիներին այս կեղծ դատարանից պաշտպանելու մեր անսասան առաքելության շրջանակներում»,- գրել է Ռուբիոն։

Հիշեցնենք, որ 2025 թվականի փետրվարին ԱՄՆ նախագահ Դոնալդ Թրամփը հրամանագիր էր ստորագրել ՄՔԴ-ի դեմ պատժամիջոցներ սահմանելու մասին այն բանից հետո, երբ դատարանը ձերբակալության օրդերներ էր տվել Իսրայելի վարչապետ Բենյամին Նեթանյահուի և պաշտպանության նախկին նարար Յոավ Գալանտի նկատմամբ։

ԱՄՆ-ի պատժամիջոցների տակ, որոնք չեն ճանաչում Միջազգային քրեական դատարանի իրավասությունը, մասնավորապես հայտնվել են ՄՔԴ դատախազ Քարիմ Խանը (հեռացվել է պաշտոնից սեռական ոտնձգությունների կասկածանքով), Ֆրանսիայից դատավոր Նիկոլա Գիյյոյին (նախագահում է իսրայելական բանակի և ՀԱՄԱՍ խմբավորման միջև պատերազմի ընթացքում իրականացված մարդկության դեմ ենթադրյալ հանցագործությունների գործով) և կանադացի դատավոր Քիմբերլի Պրոստը։

2023 թվականի մարտին Ականեն և ՄՔԴ ևս երկու դատավորներ ձերբակալության օրդեր էին տվել Ռուսաստանի նախագահ Վլադիմիր Պուտինի և ՌԴ երեխաների իրավունքների հարցերով լիազոր Մարիա Լվովա-Բելովայի նկատմամբ։ Նրանց մեղսագրվում է Ուկրաինայի գրավյալ տարածքներից երեխաների ապօրինի տեղահանման պատասխանատվությունը։

Հետևեք մեզ՝ այստեղ