Առաջնագծում ծառայողների թոշակները կկրնապատկվեն
Վաչագան Գևորգյանը ֆեյսբուքյան իր էջում գրում է .
Զինծառայողները պետք է լինեն պետության առաջնային ուշադրության կենտրոնում: Նամանավանդ առաջնագծում մարտական հերթապահություն իրականացնող զնվորներին առնչվող ցանկացած խնդիր պետք է լինի պատկան գերատեսչությունների խոշորացույցի տակ:
Այսօր, գործադիր մարմնի նիստի օրակարգում քննարկվում էր սահմանապահ զինվորներին աջակցելու հարցը: Կառավարությունը հաստատեց «Պետական կենսաթոշակների մասին» Հայաստանի Հանրապետության օրենքում լրացում կատարելու մասին» Հայաստանի Հանրապետության օրենքի նախագիծը:
Համաձայն օրենքի նախագծի, առաջնագծում մարտական հերթապահություն իրականացնող ՀՀ զինված ուժերի սպայական, ենթասպայական և պայմանագրային շարքային կազմի զինծառայողների կենսաթոշակը սահմանելիս, առաջին գծում ծառայություն անցկացրած տարիները կրկնապատկվում են: Սա նշանակում է, որ այս նախագիծի հիման վրա շոշափելիորեն ավելանալու է վերջիններիս կենսաթոշակները:
Այս որոշումը կարևոր էր առաջին հերթին բարոյական տեսանկյունից: Այն կնպաստի մարտական հերթապահություն իրականացնող զորամասներում պայմանագրային հիմունքներով շարքային կազմի զինծառայողներով համալրման գործընթացի արդյունավետ կազմակերպմանը:
Հանուն արդարության պետք է նշենք, որ սա պետության կողմից ՀՀ զինված ուժերին ուղղված միակ ծրագիրը չէ:
Որպես օրինակ` մի քանի ամիս առաջ կառավարությունը հաստատել էր զինծառայողների դրսում բուժում ստանալու մասին օրինագիծը:
Կարծում եմ պետությունը պետք է առավելագույնս ուշադրության կենտրոնում պահի սահմանապահ զինվորներին առնչվող խնդիրները:
Օրենքը ազդելու է բոլոր առաջնագծում ծառայող զինվորների վրա՝ անկախ իրենց կոչումից:
1
2
3
4
5
1
3
4
5
1
2
3
5
