Երևանում գրանցվել է 3.7% գնանկում
Նարեկ Սարգսյանը ֆեյսբուքյան իր էջում գրում է.
Ազգային վիճակագարական ծառայության 2016 թվականի ապրիլ ամսվա հրապարակված տվյալները վկայում են այն մասին, որ թե՛ պարենային, և թե՛ ոչ պարենային ապրանքները նախորդ ամսվա հետ համեմատած գրանցել են գնանկում:
Մասնավորապես 2016թ. ապրիլին մարտի համեմատ հանրապետությունում արձանագրվել է պարենային ապրանքների 0.5% գնանկում, ինչի վրա իր անմիջական ազդեցությունն է թողել բանջարեղենի և կարտոֆիլի, ձվի, կաթնամթերքի, կենդանական և բուսական յուղերի, ձկնամթերքի 4.3-0.5% գնանկումը: Ոչ պարենային ապրանքների շուկայում գրանցվել է 0.3% գնանկում, ինչը հիմնականում ոսկերչական ապրանքների` 0.9%, վառելիքի` 0.6%, կահույքի՝ 0.5%, դեղամիջոցների՝ 0.5%, գրենական պիտույքների 0.4% գնանկման արդյունքն է:
Բանջարեղենի և կարտոֆիլի ապրանքախմբում 2016թ. մարտի համեմատ արձանագրվել է 4.3% գնանկում, իսկ վարունգի գինը նվազել է 40.6%-ով: Նույն ժամանակահատվածում հրապետությունում բենզինի և դիզելային վառելիքի գները
նվազել են համապատասխանաբար 1.8% և 2.0%-ով: 2016թ. ապրիլին 2015թ. ապրիլի համեմատ բենզինի և
դիզելային վառելիքի գները նվազել են համապատասխանաբար 12.1% և 14.5%-ով, իսկ 2015թ. դեկտեմբերի
համեմատ` 11.4% և 15.2%-ով:
Հանրապետության դիտարկված 9 քաղաքներում 2016թ. ապրիլին մարտի համեմատ բանջարեղենի և
կարտոֆիլի ապրանքախմբի գները նվազել են 10.5-0.3%-ով (գնանկման ամենաբարձր ցուցանիշն արձանագրվել է Վաղարշապատում), իսկ երկուսում գրանցվել է 0.2-2.5% գնաճ: Ինչ վերաբերվում է ոչ պարենային ապրանքներին՝ գնանկումը կազմել է 1.2-0.1%, մեկ քաղաքում՝ 0.3% գնաճ, իսկ մեկում էլ պահպանվել է գների նախորդ ամսվա մակարդակը: Մայրաքաղաքում բանջարեղենի և
կարտոֆիլի ապրանքախմբի գները նվազել են 3.7%-ով, իսկ ոչ պարենային ապրանքների գները նվազել են 0.1%-ով:
1
2
3
4
5
1
2
3
4
1
2
3
5
