ԼՂ հակամարտության կարգավորման հարցով Վիեննայի հանդիպումը հաջող էր. Ալիև
Header
Հանրապետության օրվա առթիվ հրավիրված պաշտոնական ընդունելության ժամանակ Ադրբեջանի նախագահ Իլհամ Ալիևն ասել է, որ Վիեննայում Ղարաբաղյան հակամարտության կարգավորման հարցով Հայաստանի և Ադրբեջանի նախագահների հանդիպումը հաջող էր։ Այդ մասին հաղորդում է «ՌԻԱ Նովոստի»-ն:
«Վիեննայի հանդիպումը հաջող էր։ Մենք ակնկալում ենք, որ շուտով, ժամանակ չկորցնելով, կսկսվեն շատ լուրջ, ինչպես միջնորդներն են ասում՝ էական, այսինքն՝ բովանդակալից բանակցություններ»,- Ալիևի խոսքերն է մեջբերել Ադրբեջանի նախագահի մամուլի ծառայությունը։
Ինչպես հայտնում է «Թրենդ» գործակալությունը՝ Ալիևը հայտարարել է, որ երկրի արտաքին քաղաքականության, և ոչ միայն, ընդհանուր քաղաքականության հիմնական հարցը Ղարաբաղյան հակամարտության կարգավորումն է։
«Ադրբեջանի դիրքորոշման մեջ չկա ոչ մի փոփոխություն»,- ասել է նա։
Ալիևը նաև հայտարարել է, որ հետագայում նույնպես «ամրապնդելու են երկրի ռազմական հզորությունը»։
Հիշեցնենք, որ Վիեննայում մայիսի 16-ի երեկոյան Հայաստանի Հանրապետության Նախագահ Սերժ Սարգսյանը և Ադրբեջանի Հանրապետության նախագահ Իլհամ Ալիևը մասնակցել են ԵԱՀԿ Մինսկի խմբի համանախագահող երկրների արտաքին գործերի նախարարների նախաձեռնությամբ և մասնակցությամբ տեղի ունեցած քննարկմանը:
1
2
3
4
5
1
2
3
4
1
2
3
4
5
