Փարիզի արվարձանում անհայտ անձը ոստիկանի է դանակահարել

Առայժմ չպարզված հանգամանքներում անհայտ մի տղամարդ Փարիզի Մանյանվիլ արվարձանում դանակահարել Է ոստիկանի: Ավելի ուշ նա ոչնչացվել Է ոստիկանության հատուկ ջոկատի կողմից: Այս մասին, ինչպես տեղեկացնում Է«Արմենպրես»-ը, հայտնել Է Ֆրանսիայի ներքին գործերի նախարարության պաշտոնական ներկայացուցիչ Պիեռ Անրի Բրանդեն: «Քանի որ բանակցությունները հաջողությամբ չեն պսակվել, որոշում Է կայացվել անցնել գրոհի: Հարձակվողն սպանվել Է»,- մեջբերում Է Բրանդեի խոսքը AFP գործակալությունը:  

Ավելի վաղ հաղորդվել Էր, որ Մանյանվիլում անհայտ անձը հարձակում Է գործել ոստիկանի վրա՝ նրան մի քանի մահացու հարվածներ հասցնելով դանակով, ինչից հետո բարիկադավորվել Է սպանվածի տանը: Զոհ Է դարձել ոստիկանության 42-ամյա մայորը, որը երեկոյան վերադառնում Էր տուն: 

Ինչպես հայտնել Է ՆԳ նախարարության պաշտոնական ներկայացուցիչը, գրոհից հետո տանը հայտնաբերել են կնոջ մարմին, որը եղել Է չարագործի պատանդը: Խոսքը, ենթադրաբար, վերաբերում Է զոհվածի կնոջը: Տանը նաեւ գտել են երեք տարեկան տղայի: «Նա գտնվում Է շոկի վիճակում, բայց վնասված չԷ»,-տեղեկացրել Է Պիեռ Անրի Բրանդեն:

Հետաքննությանը մոտ կանգնած աղբյուրների տվյալներով՝ մարդասպանը ոստիկանության հետ բանակցությունների ժամանակ խոստովանել Է, որ «Իսլամական պետության» հետեւորդ Է: Ականատեսները նշում են, որ լսել են, թե ինչպես Է տղամարդը հարձակման ժամանակ գոչել «Ալլահ աքբար»:

«Իսլամական պետություն» ծայրահեղական խմբավորումը Amaq նորությունների գործակալության միջոցով հայտարարել Է, որ ստանձնում Է Փարիզի արվարձանում ոստիկանի սպանության եւ պատդանդառության պատասխանատվությունը:

Ֆրանսիայի նախագահ Ֆրանսուա Օլանդը խոստացել Է լույս սփռել հունիսի լույս 14-ի գիշերը Փարիզի արվարձանում ոստիկանի եւ նրա կնոջ սպանության բոլոր հանգամանքների վրա, հաղորդել Է ՏԱՍՍ-ը:

Լուսանկարը` REUTERS