Ռուսաստանը կպահպանի ռազմավարական գործընկերությունը Հայաստանի հետ. Շոյգու

ՌԴ պաշտպանության նախարար Սերգեյ Շոյգուն հունիսի 15-ին Մոսկվայում Հայաստանի իր պաշտոնակից Սեյրան Օհանյանի հետ կայացած հանդիպմանը հայտարարել Է, որ Ռուսաստանը պլանավորում Է պահպանել ռազմավարական գործընկերությունը Հայաստանի հետ, տեղեկացնում Է «Արմենպրես»-ը՝ հղում անելով ՏԱՍՍ-ին:

«Մենք կցանկանայինք այսուհետեւ Էլ պահպանել մեր ռազմավարական գործընկերությունը»,-ընդգծել Է Շոյգուն: Նա հիշեցրել Է, որ երկկողմ ռազմական ու ռազմատեխնիկական համագործակցությունը կարգավորվում եւ ապահովում են 50-ից ավելի փաստաթղթեր ու համաձայնագրեր:

«Մեր համագործակցության տեմպերն ու հագեցվածությունը գոհացնում են մեզ: Մենք համագործակցում ենք բոլոր ուղղություններով, առանձին կարող եմ նշել կրթությունը»,-ասել Է ՌԴ պաշտպանության նախարարը, հիշեցնելով, որ բազմաթիվ հայ զինվորականներ են սովորում Ռուսաստանի ռազմական բուհերում, այս տարի ավելի քան 200 սպաների ուսուցման հայտ Է տրվել: «Մենք պատրաստ ենք պաշտպանել այն»,-հավաստիացրել Է Շոյգուն:

ՀՀ պաշտպանության նախարարը նշել Է, որ ուրախ Է հանդիպման եւ երկկողմ համագործակցության առանձին հարցերի շուրջ կարծիքներ փոխանակելու հնարավորության համար: «Կարծում եմ՝ մեր կանոնավոր երկկողմ հանդիպումները եւ համատեղ միջոցառումները բարի ավանդույթ են դարձել եւ այն բանի հավելյալ վկայությունն են, որ մեր հարաբերությունները շատ բարձր մակարդակի վրա են, եւ պաշտպանության ոլորտում մեր համագործակցությունը դինամիկորեն զարգանում Է»,-ասել Է Հայաստանի ռազմական գերատեսչության ղեկավարը, նշելով, որ այդ համագործակցության վկայություններից մեկը Ռ ուսաստանի օգնությունն Է Երեւանին: