Հայ մեծահարուստների օտարազգի կանայք (լուսանակարներ)

Wnews.am-ը գրում է .

Հայ մեծահարուստներից շատերը, ովքեր գործունեություն են ծավալում օտար երկրում, որպես իրենց կյանքի ուղեկից ընտրել են ոչ թե հայ, այլ օտարազգի կնոջ։

Wnews.am-ը ներկայացնում է հայ հայտնի միլիոնատերերի օտարազգի կանանց։ Նրանցից շատերը հայանպաստ գործունեություն են ծավալում։

Հայ միլիարդատեր, Ռուսական Սբերբանկի վարչության նախագահի խորհրդական, ՍԿՈԼԿՈՎՈ մոսկովյան կառավարման դպրոցի նախկին նախագահ, BRICS Business Magazine խմբագրական խորհրդի նախագահ, բարերար Ռուբեն Վարդանյանի կինը՝ Վերոնիկա Զոնաբենդը, զբաղվում է Ռուբեն Վարդանյանի հիմնադրամի գործունեությամբ, որը բարեգործական ծրագրեր է իրականացնում ինչպես Հայաստանում, այնպես էլ Ռուսաստանում։

Վերոնիկա Զոնաբենդը Դիլիջանի միջազգային դպրոցի համահիմնադիրն ու հոգաբարձուների խորհրդի նախագահն է։

Ավելի վաղ, 2000 թվականին, նա մասնավոր գործարարությամբ է զբաղվել եւ հանդես եկել կինոարտադրության, հյուրընկալության ոլորտի նախագծերում։ Նա հանդես է եկել նաեւ որպես «Կոկո Շանելն ու Իգոր Ստրավինսկին» գեղարվեստական ֆիլմի համապրոդյուսեր։

Մինչ այդ մի քանի տարի աշխատել է բանկային համակարգում, 1993 թվականից սկսած զբաղեցրել Տվերունիվերսալբանկի վալյուտային վարչության փոխնախագահի պաշտոնը։
Իր աշխատանքային գործունեությունը սկսել է 1990 թվականին գիտահետազոտական ինստիտուտի ավիացիոն ոլորտում ինժեներ աշխատելով։
1990թ. գերազանցությամբ ավարտել է Մոսկովյան ավիացիոն ինստիտուտը, 1994–1995թթ. բանկային գործ մասնագիտությամբ սովորել Լոնդոնի տնտեսագիտության եւ քաղաքականության դպրոցում։

2014թ. ՀՀ նախագահի կողմից կրթության եւ գիտության բնագավառի զարգացմանը եւ միջազգային գիտակրթական համագործակցությանը նպաստելու, Դիիջանի միջազգային դպրոցի կառուցման եւ կրթական ծրագրերի իրականացման գործում ներդրած նշանակալի ավանդի համար պարգեւատրվել է Բարեկամության մեդալով։

Ռուսաստանաբնակ հայ գործարար Նիկոլայ Կաղինյանը, ով հանդիսանում է ձկնաբուծական խոշոր Artezianica ընկերության նախագահը, որպես իր կյանքի ուղեկից ընտրել է ռուս կնոջ։ Կաղինյանի կինը Օլգա Պարախինան է, ով ամուսնու հետ համատեղ բիզնես գործունեություն է ծավալում։

Օլգա Պարախինան տարիներ առաջ ուներ խճաքարի եւ ածուխի փոխադրմամբ զբաղվող ընկերություն։

Ռուսաստանի հայերի միության նախագահ Արա Աբրահամյանի կինը եւս ամուսնացել է ռուս կնոջ՝ Նատաշայի հետ։

«Ես նրան ճանաչել եմ դեռ մանկուց։ Բանն այն է, որ առաջին հերթին ծանոթացել եմ իր հոր հետ։ Այդ ժամանակ ես միավորման տնօրեն էի, իսկ ապագա անեերս զբաղեցնում էր ղեկավարի պաշտոնը եւ գավառից Մոսկվա էր տեղափոխվել։

Դա 80-ականների սկզբին էր, այնպես որ Նատաշան, կարելի է ասել, մոսկվացի է։
Ես եւ իր հայրը լավ հարաբերություններ ունեինք, մենք սկսեցինք ընկերություն անել, նա պարբերաբար Հայաստան էր այցելում եւ մեզ հյուր գալիս, իսկ երբ ես էի Մոսկվա գնում, իրենց էի հյուր գնում։
Նատաշան այդ ժամանակ դեռեւս փոքր աղջիկ էր, դպրոց էր հաճախում, կարո՞ղ էի արդյոք մտածել, որ նա իմ երեխաների մայրը կդառնա…»,- պատմում է Արա Աբրահամյանը։

Նախկինում Հարությունյան, այժմ Գալիցկի ազգանունը կրող հայ միլիոնատեր, «Մագնիտ» խանութների ցանցի եւ «Կրանսոդար» ֆուտբոլային ակումբի սեփականատեր Սերգեյը եւս ամուսնացած է ռուս կնոջ հետ։

Սերգեյ Հարությունյանն ամուսնացել է Վիկտորիա Գալիցկիյի հետ եւ վերցրել նրա ազգանունը։ Թե ինչու է նա հրաժարվել իր ծնողների ազգանունից, հայտնի չէ։ Մամուլը պնդում է, որ սա Վիկտորիայի հոր պահանջն էր։

Սիրահարված Սերգեյն ամուսնությունից հետո վերցրել է կնոջ ազգանունը եւ պետք է ասել, որ դա իր բիզնեսին ոչ թե խանգարել, այլ օգնել է։

Իր ընտանիքի մասին Սերգեյը չի սիրում շատ խոսել. նրա կինը մասնագիտությամբ հաշվապահ է։ Նրանք նույն համալսարանից էին։ Ամուսիններն ունեն դուստր՝ Պոլինան։

Հայ միլիարդատեր Նիկոլայ Սարկիսովը նախկինում ամուսնացած էր ռուս կնոջ՝ Յուլիայի հետ։ Նրանք ունեն երեք երեխա։

Սկադնալային բաժանությունից հետո «ՌԵՍՕ-Գարանտիա» ռուսական խոշոր ապահովագրական ընկերության սեփականատերը հանրությանն է ներկայացել 23-ամյա մոդել Իլոնա Կոտելուխի ուղեկցությամբ, ով հղիության վեցերորդ ամսում է։

«Ռոսսգոստրախ» ապահովագրական ընկերության նախագահ, հայազգի միլիարդատեր Դանիլ Խաչատուրովի  նախկին կինը ռուս հայտնի դիզայներ Ուլյանա Սերգեյենկոն էր։

Նրանց սկանդալային բաժանումը տեղի էր ունեցել նախորդ տարվա սեպտեմբերին։ Նրանք յոթ տարվա ամուսիններ էին եւ ունեն դուստր։

Այժմ Խաչատուրովը հանդիպում է ռուսաստանաբնակ հայտնի ռեժիսոր, ազգությամբ հայ Աննա Մելիքյանի հետ։

Yota, «Մեգաֆոն», «Եվրոսեթ» ընկերութան բաժնետեր, միլիարդատեր Ալբերտ Ավդոլյանը եւս ամուսնացել է ռուս կնոջ՝ Ելենա Դենիսովայի հետ։

2009-ին Ավդոլյանը կնոջ հետ Բեւերլի Հիլզում գնել է  13 մլն դոլար արժողությամբ առանձնատուն։