ՍԵՆՍԱՑԻԱ. Գիտնականները ստեղծում են ականջներ... խնձորից
Կանադացի «բիոհաքեր» Էնդրյու Պելլինգը կոտրում է բազմաթիվ կարծրատիպեր իր նոր բացահայտումներով:
Վերջերս Պելլինգը հրատարակել է մի աշխատանք, որտեղ բացատրում է, թե ինչպես կարելի է խնձորի միջոցով ստեղծել մարդու մարմնի մասեր:
Այս «գիժ գիտնականը», ինչպես TED-ն է կոչում նրան, ունի իր սեփական լաբորատորիան Օտտավայի համալսարանում, որ կոչվում է Պելլինգի անվան ֆիզիկական մշակման լաբորատորիա: Այդ լաբորատորիայի նորագույն ծրագրերից մեկը ներառում է խնձորների բջիջներից «մարդու» ականջների ստեղծումը:
Այդ ականջները չեն կարող մարդու իրական ականջների նման լսել, սակայն դրանք ունեն միևնույն ձևն ու չափը և պարունակում են մարդկային բջիջներ:
«Մենք վերցրեցինք մի սովորական Մակինտոշ խնձոր, հեռացրեցինք խնձորի բոլոր բջիջները և ԴՆԹ-ն, հետո դրա փոխարեն ներարկեցինք մարդկային բջիջներ», - ասում է Պելլինգը, - «և, ի վերջո, հեռացնելով խնձորի բոլոր բջիջները, մեզ մնաց միայն բջջանյութի կառույցը»:
Պելլինգի կինը խնձորները փորել էր այնպես, որ դրանք նման լինեն մարդու ականջների, ապա դրանք տարել էր լաբորատորիա, որտեղ էլ գիտնականները փոխարինել էին խնձորի բջիջները մարդկային բջիջներով: Նկարում պատկերված են խնձորից պատրաստված մարդու ականջի տեսք ունեցող կտորները:
Ըստ Պելլինգի և նրա գործընկերների աշխատանքի, որը հրատարակվել է PLOS One հանդեսում, այս մոդելը կարող է իմպլանտավորվել մարդու մարմնին:
Ըստ Պելլինգի՝ ամենակարևորն այն է, որ այս ծրագիրը, համեմատած այլ մարմնի մասերի կառուցման նյութերի հետ, հիմնված է մարդկանց համար շատ մատչելի նյութի՝ խնձորների վրա:
Պելլինգի կազմակերպությունը՝ Սպայդերվորթը (Spiderwort), ստեղծել են մեքենաներ, որոնք կառուցում են այս մոդելները: Մոդելի ստեղծման տեխնոլոգիան բաց է հանրության համար, և համացանցում հասանելի են դրա ստեղծման օնլայն ցուցումները:
«Այս ամենի արդյունքը հնարավորություն է տալիս տարբերվել բոլորից, այսինքն, գտնել բոլորովին նոր և առաջին հայացքից անսովոր թվացող մտքեր: Այո՛, դրանցից շատերը ձախողվում են, - ասում է Պելլինգը – սակայն փորձել միշտ էլ պետք է: Մի օր այդ գաղափարներից որոշները հաջողությամբ կպսակվեն, և այդ դեպքում արդյունքը հիասքանչ կլինի»...
Մարիամ Ղուշչյան
1
2
3
4
5
4
2
3
4
5
