Յուրաքանչյուր մենահամերգ ծախսատար ու ոչ եկամտաբեր նախագիծ է. Մհեր

Լife.panorama.am-ը գրում է .

Երգիչ Մհերի սպասված մենահամերգն այլեւս իրականություն է: Երեկ՝ հունիսի 16-ին, Ա. Սպենդիարյանի անվան օպերայի և բալետի ազգային ակադեմիական թատրոնում  տեղի ունեցավ «Ты моя невеста» խորագրով` Մհերի եւ հանդիսատեսի երկար սպասված հանդիպումը, իսկ այսօր արդեն Life.panorama.am-ի հետ զրույցում երգիչը ամփոփեց համերգի արդյունքները:

«Այս մենահամերգիս վրա ես եւ իմ պրոդյուսերը աշխատել ենք շուրջ մեկ տարի, ամեն բան արել ենք, որպեսզի իրականություն դառնան մեր պատկերացումները, որպեսզի իմ հանդիսատեսը բարձր տրամադրությամբ ու լավ հիշողություններով հեռանա դահլիճից, ինչն այսօր արդեն կայացած կարող եմ համարել: Ես գոհ եմ իմ աշխատանքից, սա քննության նման մի բան էր ինձ համար, քննություն, որը հանձնում էի թե ինքս իմ, թե հանդիսատեսիս եւ թե իմ ուսանողների առաջ, որոնց արդեն քանի տարի է դասավանդում եմ ու սովորեցնում ճիշտ երգեցողություն. ի դեպ՝ երեկ նրանք ինձ հետ նաեւ բեմում էին»,- նշեց Մհերն ու հավելեց, որ ողջ մենահամերգը տեսագրվել է եւ շատ շուտով այն կներկայացվի նաեւ հեռուստադիտողի դատին:

Երգչի մենահամերգը ուղեկցվել է հետաքրքիր անակնկալներով եւ շքեղ շոու ներկայացմամբ, որն իրականացրել են տարբեր պարային խմբերն ու պարուհի, օդային ակրոբատ Թինա Քեյը: Համերգի ընթացքում հնչել են ինչպես սիրված երգեր, այնպես էլ պրեմիերաներ, որոնցից մի քանիսը, Մհերի խոսքով, առաջիկայում տեսահոլովակներ կունենան:

Ի դեպ՝ համերգի ընթացքում Մհերը զուգերգերով է հանդես եկել Լուսինե Պողոսյանի, Սոնայի, Սեւակ Ամրոյանի, Սոնա Ռուբենյանի, Արփիի, Սոնե Սիլվերի, Դիանայի, Ռոզա Սիլբերգի հետ, նշենք, որ վերջինը Մհերի քույրն է.

«Իհարկե, ես շատ գեղեցիկ դուետներ ունեմ, բայց երեկ հնչած ամենագեղեցիկ դուետը ստացվեց Էլվինա Մակարյանի հետ. նրա հետ զուգերգը իրականություն դարձավ շնորհիվ ժամանակակից տեխնոլոգիաների: Պետք է նկատեմ, որ ներկաները բավականին տպավորված էին այդ դուետով, որը շուտով կտեսնի նաեւ հեռուստադիտողը»,- պատմեց երգիչը:

Շարունակությունը` այստեղ :