Սովորելը, որ նայելով լիներ, շունը վաղուց մսագործ էր դարձել
Վարդան Ոսկանյանը ֆեյսբուքյան իր էջում գրում է .
«Հաղղին.ազ»-ի պարզունակ քարոզչությունն արդեն վաղուց ուղղակի «ծիծաղաշարժ լրագրողություն» անվանակարգի դասական նմուշներից պետք է համարվի:
Տպավորություն է ստեղծվում, որ ադրբեջանական քարոզչամեքենայի գավառական մակարդակով աշխատող այս «պտուտակի» աշխատակիցներն ընկած հայաստանցի են փնտրում՝ հարցազրույց վերցնելու և հետո նյութում կամ դրա վերնագրում իրենց ուզածն ավելացնելու կամ արտահայտած մտքերն աղճատելու նպատակով, իսկ այդպիսին չլինելու դեպքում՝ ուղղակի տուրք տալիս սեփական երևակայությանը:
Վերջին օրինակը «Սպորտբոքս.ազ»-ից «Միհրան Հարությունյան. Ադրբեջանցիներ կան, որոնք Բաքվում ինձ լավ են վերաբերվում: Շնորհակալ եմ նրանց դրա համար» վերտառությամբ նյութի արտատպումն է, ինչի արդյունքում «Հաղղին.ազ»-ում արդեն ստացվել է, որ հայ ըմբիշ Միհրան Հարությունյանն իբր հայտարարել է՝ «Ես երախտապարտ եմ ադրբեջանցիներին»:
Դե, ի՞նչ կարևոր է, Միհրան Հարությունյանը նման բան ասե՞լ է, թե ո՞չ, կարևորն այն է, որ պետք է եղել նման մի բան հորինել, իսկ «Հաղղին.ազ»-ը մտացածին բարբաջանքներ տարածելու փորձված վարպետ է :
Այս համատեքստում լրագրողությունից հեռու ադրբեջանցի քարոզիչներին տեղին կլիեներ հիշեցնել հենց ադրբեջանական հայտնի ասացվածքը՝ «Սովորելը, որ նայելով լիներ, շունը վաղուց մսագործ էր դարձել»:
1
2
3
4
5
1
3
4
5
1
2
3
5
