«Համախմբումը» «գազ գրկեց»
Blog
Տիգրանուհի Դավթյանը ֆեյսբուքյան իր էջում գրում է .
«Համախմբումը» փորձում է մեծ արագությամբ ներգրավվել հասարակական-քաղաքական գործընթացներում: Եվ այդ նպատակով սկսել է մի տեղից, որը նրան բավական խրթին ու քարքարոտ ճանապարհ է խոստանում: Երեկ կուսակցության վարչության անդամներ Ստեփան Մարգարյանը, Կարեն Անդրեասյանը և կուսակցության այլ ներկայացուցիչներ հանդիպում են ունեցել «Նաիրիտի» աշխատակիցների հետ, լսել նրանց դժգոհություններն ու բողոքները և խոստացել աջակցել վերջիններիս:
Ս. Մարգարյանը խոստացել է հանրային լսումներ կազմակերպել: Այս մարդուն պետք է հիշեցնել, որ հենց նաիրիտցիների խնդրանք-պահանջով արդեն այդ փուլն անցել ենք: Գործընթացը փորձագիտական քննություն ու հետազոտքություն անցնելուց հետո ի վերջո կանգ առավ մի կետում, որտեղ հայտարարվեց, որ «Նաիրիտը» վերագործարկելու համար 300 մլն դոլար ներդրում է հարկավոր:
Հիմա ինչի՞ տակ է ուզում մտնել «Համախմբումը» և հատկապես Ս. Մարգարյանը; Եթե նրանք ունեն այդ 300 մլն-ը, և պատրաստ են ներդնել գործարանի վերագործարկման համար, դա արդեն փոխում է իրավիճակը, սակայն դժվար թե սա այդ դեպքն է: Ուստի, մնում է երկրորդ տարբերակը: «Համախմբումը» փորձում է իր քաղաքական ակտիվությունը կազմակերպել նաիրիտցիների դժգոհության ալիքի վրա:
Այսպիսով, ինչպես ասել էր ժամանակին Մերուժան Արծրունին Աղվանից Ուռնայր թագավորին, երբ վերջինս որոշել էր մարտնչել հայկական բանակի դեմ, «Դու գազ գրկեցիր, շատ զարմանալի կլինի, եթե ժողովես»:
1
2
3
4
5
3
4
5
1
2
3
4
5
