Ինչու էր նա հում կարտոֆիլը ամեն երեկո քսում դեմքին. պատաճն իմանալուց հետո, ես էլ նույնը կրկնեցի

Խոհանոցում ամենաօգտագործվող մթերքներից մեկը՝ կարտոֆիլը, ոչ միայն համեղ է, այլև շատ օգտակար դեմքի մաշկի համար:

Կարտոֆիլով դիմակներ յուղոտ մաշկի համար

Քերիչով անցկացրեք մեկ մաքրած միջին չափի հում կարտոֆիլ: Քերած կարտոֆիլին ավելացրեք 1 ճ. գդալ չոր կաթ, 1 հարած ձվի սպիտակուց, 1 թ. գդալ կիտրոնի հյութ, մի պտղունց աղ և 50 գ գարեջուր: Լավ խառնեք այս ամենը և քսեք դեմքին 10 րոպեով: Այնուհետև լվացեք սառը ջրով:

Կարտոֆիլի պյուրեն խառնեք կեֆիրի հետ հավասար չափաբաժիններով: Մինչև քսելը լավ լվացեք դեմքը: 10-15 րոպե պահեք դիմակը դեմքին, որից հետո լվացեք սառը ջրով:

Կես ճաշի գդալ կարտոֆիլի օսլան խառնեք նույնչափ ալյուրի հետ: Ավելացրեք 1 թեյի գդալ կիտրոնի հյութ և մի փոքր եռացրած ջուր, բայց այնքան, որ զանգվածը թանձր մնա: Քսեք դեմքին և թողեք այդպես 10-15 րոպե: Լվացեք սառը ջրով:

 

Դիմակներ չոր մաշկի համար

Եփեք կարտոֆիլը և տրորեք թթվասերի հետ այնքան, մինչև փափուկ զանգված ստանաք: Քսեք այն դեմքին և վզին, թողեք մինչև 15 րոպե: Լվացեք գոլ ջրով:

Մի կաթսայի մեջ եփեք 2 մաքրած կարտոֆիլ, իսկ մյուս կաթսայի մեջ մի քանի շագանակ: Կարտոֆիլից պատրաստեք պյուրե, իսկ եփած շագանակներն աղացեք մսաղացով: Խառնեք 1 ճաշի գդալ կարտոֆիլի պյուրեն նույնքան աղացած շագանակի հետ: Այդ զանգվածին ավելացրեք 1 ճ. գդալ ձիթապտղի ձեթ: Քսեք դիմակը դեմքին և թողեք 10 րոպե: Այնուհետև լվացեք գոլ ջրով:

Կարտոֆիլը եփեք կաթի մեջ, այնուհետև պյուրե սարքեք: 1 ճ. գդալ պյուրեն խառնեք 2 ճ. գդալ ցանկացած բանջարեղենի կամ մրգի հյութի հետ: Քսեք խառնուրդը դեմքին և թողեք այդպես 10-15 րոպե: Մաքրեք դեմքը գոլ ջրով, իսկ հետո սառր ջրով շփեք այն: Ցանկալի է կրկնել այս դիմակը շաբաթը մեկ անգամ երկու ամսվա ընթացքում:

Եփեք կեղևով կարտոֆիլը, այնուհետև մաքրեք այն կեղևից և անցկացրեք քերիչի մանր անցքերով: Մի ճաշի գդալ քերած կարտոֆիլին ավելացրեք 1 ձվի սպիտակուց, 1 ճ. գդալ կաթ և 1թ. գդալ բուսական յուղ: Այս ամենը խառնեք և ստացված զանգվածը քսեք դեմքին: Թողեք այդպես 15 րոպե, որից հետո լվացեք գոլ ջրով: