Հունիսի 29-ի աստղագուշակ
Խոյ
Խոյերին խորհուրդ չի տրվում հետաձգել հանդիպումները, փաստաթղթերի ուղղումը, նամակների ուղարկումը, կարևոր թեմայի շուրջ հավելյալ տվյալների որոնումը: Ավելի լավ է այդ գործերն անել առավոտյան. պակաս ժամանակ կծախսեք, իսկ վերջնական արդյունքը կլինի այնպիսին, ինչպես ցանկանում էիք: Օրվա երկրորդ կեսը ներդաշնակ է, սակայն ձեզ կարող են չհերիքել սուր զգացողությունները: Այդ ժամանակ ավելի հաջող կլինի ստեղծագործական երանգով հանգիստ աշխատանքը:
Ցուլ
Ցուլերին պետք կգա շփվողականություն և դիտողականություն: Առավոտյան արժե լսել վերջին նորությունները, ստուգել փոստը. հնարավոր է ինչ-որ հետաքրքիր բան գտնվի: Կեսօրից հետո օգտակար կլինի լսել ձեզ, ձեր ընթացիկ պահանջներին. ճիշտ ժամանակն է զբաղվելու անձնական հրատապ կարիքներով: Կարող է ակտուալ լինել խանութներով շրջելը, ստեղծագործական հոբբին, երեխաների հետ սերտ շփումը: Երեկոն հարմար է ժամադրության համար, եթե դա առաջին հանդիպումը չէ:
Երկվորյակ
Երկվորյակներին օգտակար կլինի ամփոփել վերջին գործունեության արդյունքները, հատկապես, եթե դրանք եղել են ուսումնական միջոցառումներ, բանակցություններ, փորձարկումներ, անձնական կայքի վրա աշխատանք: Եթե ինչ-որ բան չի ասվել, կամ անհրաժեշտ մանրուք չի գտնվել, ավելի լավ է իրավիճակը շտկել առավոտվանից: Օրվա երկրորդ կեսին ուշադրության կենտրոնը կուղղվի եկամտի, հանապազօրյա հացի կամ այլ նյութական ասպեկտների վրա:
Խեցգետին
Խեցգետիններին խորհուրդ է տրվում օրը սկսել նորությունների ուսումնասիրումից, փոստի ստուգումից: Վերջին պահին կարող եք լուր, արժեքավոր հուշում ստանալ համախոհից կամ անսպասելի ցուցում` ղեկավարությունից: Հիմնական գործողություններն ավելի լավ է թողնել օրվա երկրորդ կեսին: Այդ ժամանակ բեղմնավոր շրջան կսկսվի, որը թույլ կտա ձեր կյանքն ավելի հաճելի և հարմարավետ դարձնել, բարձրացնել բարեկեցությունը:
Առյուծ
Օրվա սկզբում Առյուծներին փոքրիկ դադար պետք կգա: Կախված իրավիճակից` այն կօգնի կա՛մ շեղվել, կա՛մ հավաքել մտքերը: Կարելի է լցնել այն ոչ մի բանի չպարտավորեցնող շփմամբ: Օրվա կեսին կհասունանա որոշումը, կամ պայմաններ կձևավորվեն ծրագրված աշխատանքի համար: Ցանկացած գործողության գլխավոր նպատակը կլինի նյութական մակարդակի բարձրացումը, ռեսուրսների արդյունավետ բաշխումը կամ դրանց բազմապատկումը:
Կույս
Կույսերին խորհուրդ է տրվում իրավիճակի վերաբերյալ բոլոր անհրաժեշտ եզրակացություններն անել օրվա սկզբում: Կարևոր է հրաժարվել նրանից, ինչը խանգարում է ձեր անձնական առաջընթացին, և պահպանել այն, ինչը նպաստում է դրան: Հիմա արժեքավոր են ցանկացած կապեր և գիտելիքներ, որոնք օգնում են ձեր կարիերայի աճին, աշխարհընկալման ընդլայնմանը, բաղձալի ցանկությունների կատարմանը: Երեկոյան իրադրությունն ավելի լավատեսական կդառնա:
Կշեռք
Կշեռքների համար օրը կսկսվի նորություններից կամ մտորումներից: Եթե ինչ-որ բան պարտավոր եք անել, ավելի լավ է ժամանակ չկորցնել և անհրաժեշտ ամեն ինչ ձեռնարկել մինչ կեսօր: Օրվա երկրորդ կեսը ցույց կտա, թե արդյոք ճիշտ է ձեր ընտրած նպատակը, ռազմավարությունը, իմիջը: Տեղին են ցանկացած ընտանեկան, կորպորատիվ, ներկայացուցչական, առևտրային կամ այլ միջոցառումներ, որոնք կարող են ընդգծել ձեր ներկայիս կարգավիճակը:
Կարիճ
Կարիճները կարևոր նրբությունների ճշգրտման համար ևս մեկ օր ունեն: Օրվա դրական կողմերից մեկը աջակցության ձեռքբերումն է: Կախված իրավիճակից` դուք կստանաք օգնական, թույլտվություն, ռեսուրսներից օգտվելու իրավունք, կնկատեք ունկնդիրների, խմբերի, անհրաժեշտ ատյանների մոտ ձեր նկատմամբ ավելի բարյացակամ վերաբերմունք: Հնարավոր է, որ կարողանաք ձեզ վրա հրավիրել հեղինակավոր անձի ուշադրությունը, ում համակրում եք:
Աղեղնավոր
Աղեղնավորներին այս օրը թույլ կտա կենտրոնանալ նյութական կամ հոգևոր արժեքների վրա: Մեծ նշանակություն կստանա ցանկացած նորություն: Հնարավոր է, որ սկսեք ավելի շատ գնահատել ձեր կյանքում սիրո առկայությունը: Օրվա ընթացքում ստիպված կլինեք նաև ուշադրություն հատկացնել կենցաղային և ֆինանսական թեմաներին: Կարող են հասանելի դառնալ եկամտի հավելյալ աղբյուրներ կամ կյանքի համար անհրաժեշտ ռեսուրսներ:
Այծեղջյուր
Այծեղջյուրներն իրենց ավելի ներդաշնակ կզգան կեսօրից հետո: Կարող է աճել համեղ սննդի, հաճելի կոսմետիկ գործընթացների, լավ ընկերախմբով զվարճանալու ձգտումը: Ձեր աշխատունակությունը կարող է նվազել, սակայն դա չի վերաբերում սիրելի զբաղմունքներին: Երեկոն հարմար է ժամադրության, տոնական միջոցառման, ռոմանտիկ ընթրիքի համար: Արժե հիշել, որ ցանկացած երեկոյան միջոցառում, որը հաճույք է պատճառում, կարող է ձգձգվել:
Ջրհոս
Առավոտյան Ջրհոսները խնդիր չեն ունենա պերճախոսության, ըմբռնողության, շփվողականության հետ: Եթե օրակարգում կարևոր հանդիպում կամ մտավոր աշխատանք է ծրագրված, ավելի լավ է վաղ արթնանալ և հիմնական գործողությունը կատարել օրվա առաջին կեսին: Եթե կարևոր գործեր չկան, կարելի է լինել մաքուր օդում, շփվել ընկերների, հարևանների, պատահական ծանոթների հետ: Օրվա երկրորդ կեսին կարելի է հյուրեր ընդունել, այցելել սրճարան կամ ռեստորան:
Ձկներ
Ձկներին խորհուրդ չի տրվում իրենց գործողությունների համար հիմք ընդունել առավոտյան տեղեկատվությունը: Իսկական պահանջները և դրանց բավարարման համար անհրաժեշտ պայմանները կձևավորվեն կեսօրին մոտ: Կարող է աճել խոհարարական փորձարկումների, գնումների, ստեղծագործության, գեղագիտական նրբությունների նկատմամբ հետաքրքրությունը: Կներդաշնականա զգացմունքային ֆոնը, կաճի սիրո, ջերմության, հոգատարության կարիքը:
1
2
3
4
5
4
2
3
4
5
