Ինչպես պարզել ` որ գույներն են ձեզ սազում
Հստակ իմանալով, թե որ գույնն է ընդգծում ձեր առավելությունները, որ երանգն է ձեր մաշկի, մազերի, աչքերի գույնի հետ համապատասխան, դուք հեշտությամբ կգտնեք “ձեր” աքսեսուարը, հագուստը, շրթներկը և այլն:
Իմանալով ձեզ համապատասխան գույները, դուք կարող եք ստեղծել իդելական զգեստապահարան, քանի որ, սովորաբար, այս կամ այն գունային խմբի մեջ մտնող երանգները հիանալի համադրվում են միմյանց հետ: Այնպես, որ այլևս չեք ունենա խնդիր ՝ ինչ գույնի հետ համադրել այս վառ տաբատը, կամ պայուսակը:
Ձեր զգեստապահարանում հայտնված բոլոր իրերը միմյանց հետ հեշտությամբ կհամադրվեն, քանի որ դուք ընտրել եք դրանք՝ հաշվի առնելով ձեր արտաքինին համապատասխանող գունային գամման:
Եվ այսպես գոյություն ունեն չորս հիմնական գունային խմբեր՝ ձմեռ, գարուն, ամառ, աշուն:
Wnews.am-ը ներկայացնում է դրանցից յուրաքանչյուրը:
Գարունը և աշունը դրանք տաք երանգներն են, ձմեռն ու ամառը՝ սառը:
Գարուն գունային գամմային են պատկանում մարդիկ, ովքեր ունեն. նուրբ, բաց մաշկ, հնարավոր են պեպեններ. բաց ոսկեգույն, շատ բաց շագանակագույն մազեր, բաց գույնի աչքեր՝ կապույտ, կանաչ, բաց շագանակագույն, բաց գույնի հոնքեր և թարթիչներ: Գարուն գունային գամմային պատկանող մարդիկ սովորաբար արևայրուք չեն ընդունում, նրանք ուղղակի կարմրում են:
Գարնանային տիպին պատկանող մարդկանց համապատասխանում են տաք երանգները՝ դեղինը, շագանակագույնը, ծիրանագույնը: Անփոխարինելի է մոխրագույնն ու բեժը, սակայն դրանք պետք է պարունակեն դեղնավուն կամ կանաչավուն երանգ: Ահա գարուն գամմային համապատասխանող երանգները.
Ամառ. մարդիկ, ովքեր ունեն բաց վարդագույն մաշկ, բաց շագանակագույն մազեր, աչքերը կարող են լինել ինչպես մոխրագույն, բաց շագանակագույն, այնպես էլ՝ մուգ շագանակագույն: Այս մարդիկ հեշտությամբ են արևայրուք ընդունում:
Ամառային տիպին պատկանող մարդկանց համապատասխանում են սառը երանգները՝ մարմնագույնը, մանուշակագույնը, երկնագույնը՝ մոխրագույնի երանգով, վարդագույնի սառը երանգները: Այս տիպին հակացուցված է նարնջագույնը, սևը: Սևը կարելի է փոխարինել մուգ մոխրագույնով, կապույտով: 
Աշուն մաշկն ունի ոսկեգույն երանգ: Մազերը՝ ոսկեգույնից մինչև խարտյաշ, կարմրահեր: Աչքերը տաք երանգների մեջ: Արագությամբ արևայրուք են ընդունում:
Աշնանային տիպին համապատասխանում են վառ, տաք գույները: Աշնան բոլոր երանգները՝ դեղին, կանաչ, կարմիր, շագանակագույն:
Ձմեռ. լինում է երկու տեսակ, առաջինը, որին նաև անվանում են Սպիտակաձյունիկ, երբ մաշկը շատ բաց է, մազերը՝ շատ մուգ: 
Ոչ կոնտրաստային ձմեռ, երբ մաշկը մուգ է, իսկ մազերը շագանակագույն, մուգ շագանակագույն:
Ձմեռ տիպին համապատասխանում են սառը երանգներ: Սպիտակը, սևը, մոխրագույնը ամենահամապատասպանն են այս տիպի համար: Համապատասխան են կարմիրի և կապույտի սառը երանգները:
1
2
3
4
5
4
2
3
4
5
