Ինչու են տղամարդիկ նկատում ոչ թե քեզ , այլ ընկերուհուդ

Հաճախ մի կնոջ  հանդեպ տղամարդկանց հետաքրքրությունը մեծ է, չնայած նա առանձնապես գեղեկուհի էլ չէ, իսկ  մյուսի հանդեպ որեւէ հետաքրքրություն չեն ցուցաբերում։
Ո՞րն է պատճառը։
Սկսենք նրանից, թե ինչ է «տեսնում» տղամարդը, երբ ուզում է ծանոթանալ աղջկա հետ:
Նախ նա պետք է  նկատի  աղջկան ամբոխի մեջ, իսկ դրա համար աղջիկը պետք է տարբերվի  եւ լավ տեսք ունենա։
Մի’ կաշկանդվեք Ձեզնից եւ Ձեր մարմնից, մի վախեցեք վառ գույներից, գեղեցիկ աքսեսուարներից եւ բարձրակրունկներից։ Կանացի մարմինը պետք է վայելել, հիանալ նրանով եւ գնահատել այն։  Խոսքը,բնականաբար, վուլգար հագուկապի մասին չէ. կարճ-կարճ զգեստներ, բաց կրծքեր եւ գույների անճաշակ համադրություն, այլ դասականի եւ կանացիության։
Երբ կինն ինքնավստահ է, նա սավառնում է երկնքում, այլ ոչ թե պարզապես քայլում է եւ դա նկատում են տղամարդիկ։ Կինն, ընդհանրապես, օդեղեն էակ է, իսկ որոշ կանայք գլուխը կախ  քաշ են տալիս իրենց ոտքերը:
Երբ տղամարդն արդեն նկատել ու առանձնացրել է կնոջն ամբոխից, նա սկսում է հետեւել նրան: Ուսումասիում է   խնամվածությունը, կազմվածքը։ Տղամարդկանց համար կարեւոր է, որ «ամեն ինչ լինի տեղում», սակայն յուրաքանչյուր տղամարդ իր պատկերացումներն ունի այդ մասին։ Ոմանց պատկերացմամբ իդելականը մեծ կրծքերով եւ հարթ մաշկով աղջիկներն են, մյուսների համար մեծ հետույքով եւ քիչ շպարվածները եւ այսպես շարունակ։ Փոքրիկ ուսումնասիրությունից հետո աղջիկը կամ անցնում է ֆեյս-կանտրոլը կամ՝ ոչ:
Կարելի է ասել մի բան. տղամարդկանց հեշտ է դուր գալը, դրա համար անգամ պետք էլ չէ մեծ ջանքեր գործադրել։ Երբ կնոջ հոգին լուսավոր է, նա ինքնաբերաբար տղամարդկանց սկսում է ձգել դեպի իրեն։ Երջանիկ կինն իրեն ամենուր հարմարավետ է զգում։ Նա ժպտում է, չի վիճում , չի դժգոհում : Նրան ամեն տեղ զիջում են, օգնում են, նրան ամենուր ուրախ են տեսնել:
Եվ հակառակը, երբ կինը մտքերով թաղվում է իր խնդիրների մեջ կամ անընդհատ շուրջն է նայում, արդյոք հետաքրքրվող կա իրենով կամ սկսում է անհանգստանալ, որ իրեն չեն նկատում,  վանում է մարդկանց։
Գրավիչ կանայք չեն ձգտում որեւէ մեկին դուր գալ, այլ հստակ գիտեն, որ բոլորի ուշադրությունը դեպի իրենց է։ Գրավիչ կանայք վայելում են հենց այդ պահը, իսկ իրենց խնդիրները թողնում են տանը կամ աշխատավայրում, այլ ոչ թե ապրում դրանցով ամեն պահ։ Գրավիչ կանայք հեշտությամբ են օգնություն խնդրում, նրանք գիտեն, որ տղամարդիկ ուրախությամբ կօգնեն, նրանք չեն վախենում իրենց կանացիությունից, թուլությունից: Եվ հակառակը, հաճախ կանայք, մոռանում են դրանց մասին, ամեն ինչ ինքս կանեմ կամ, ես գիտեմ հենց այնպես ոչ ոք չի օգնում մտքերը, միայն խանգարում են:  Մի’ վախեցեք բացահայտել Ձեր կանացիությունը։
Տղամարդիկ շատ լավ զգում են կանանց էներգետիկան եւ լուսավորությունը։ 

Սիրահարվե’ք… ուրախացեք Ձեր գեղեցկությամբ եւ լուսավորությամբ, բացի կնոջից ոչ ոք չի կարող տղամարդուն ոգեշնչել, որպեսզի նա նոր բարձունքների հասնի։
Թողեք նեղացկոտությունն ու դառը փորձը եւ պարզապես վայելեք անցորդների ժպիտները։
Աշխարհում շատ ու շատ հաճելի մանրուքներ կան, հիացեք դրանցով, հանեք անինքնավստահությունը եւ կտեսնեք երջանկության ողջ հմայքը։