Ռուսաստանը եւ Թուրքիան հարաբերությունների նորմալացման գործընթաց են սկսում. Պուտին

 ՌԴ նախագահ Վլադիմիր Պուտինը հունիսի 29-ին կառավարության անդամների հետ կայացած խորհրդակցությունում ամփոփել Է Թուրքիայի նախագահ Ռեջեփ Թայիփ Էրդողանի հետ կայացած հեռախոսազրույցի արդյունքները եւ հայտնել, որ Ռուսաստանի եւ Թուրքիայի հարաբերությունների նորմալացման գործընթաց Է սկսվում, տեղեկացնում Է &l aquo;Արմենպրես»-ը՝ հղում անելով Կրեմլի մամուլի ծառայությանը:

«Թուրքիայի նախագահի՝ մեզ հասցեագրված նամակից հետո որոշում Է ընդունվել թուրք գործընկերների հետ հարաբերությունների նորմալացման գործընթաց սկսել»,-ասել Է Պուտինը: «Եվ զրույցի սկզբում ես, իհարկե, ցավակցություն հայտնեցի երկրի նախագահին, թուրք ժողովրդին Ստամբուլում կատարված ահաբեկչական գործողության կապակցությամբ»,-ասել Է Պուտինը:

«Անդրադառնալով մեր երկկողմ հարաբերություններին՝ կցանկանայի սկսել զբոսաշրջության հարցերից, թեպետեւ այն հնչում Է ահաբեկչական տարրերի ակտիվանալու ֆոնին… Այդուամենայնիվ, մենք հանում ենք վարչական սահմանափակումներն այդ ոլորտում»,-ասել Է Պուտինը: «Եվ խնդրում եմ ՌԴ կառավարությանը՝ Թուրքիայի հետ առեւտրատնտեսական կապերի նորմալացման գործընթաց սկսել»,-հավելել Է ՌԴ նախագահը:

«Դմիտրի Անատոլեւիչ, խնդրում եմ ձեզ այդ կապակցությամբ առաջարկություններ պատրաստել նորմատիվային-իրավական բազայի փոփոխման վերաբերյալ»,-դիմել Է Պուտինը Մեդվեդեւին:

Ինչպես հայտնել Է ՌԴ նախագահը, Էրդողանն իրեն հավաստիացրել Է, որ «Թուրքիայի ղեկավարությունն իրենից կախված ամեն ինչ կանի, որպեսզի ապահովի մեր քաղաքացիների անվտանգությունը Թուրքիայի Հանրապետության տարածքում»:

Պուտինը եւ Էրդողանն ընդգծել են ահաբեկչության դեմ պայքարում համագործակցության ակտիվացման անհրաժեշտությունը:

Պուտինը հույս Է հայտնել, որ Թուրքիայի քաղաքացու նկատմամբ դատաքննությունը, որը մեղադրվում Է ռուս օդաչուին սպանելու մեջ, անկողմնակալ կլինի:

Պուտինը եւ Էրդողանը հեռախոսազրույցի ընթացքում պայմանավորվել են քննարկել մոտ ժամանակներում անձնական հանդիպում անցկացնելու հնարավորությունը:

Պայմանավորվածություն Է ձեռք բերվել, որ երկու երկրների արտաքին գործերի նախարարներն այս տարվա հուլիսի 1-ին հանդիպում կունենան Սոչիում Սեւծովյան տնտեսական համագործակցության կազմակերպության արտաքին գործերի նախարարների խորհրդի նիստի ընթացքում: «Այդ հանդիպմանը կքննարկվեն ինչպես տարածաշրջանի իրադրությունը՝ սիրիական կարգավորման շեշտադրմամբ, այնպես Էլ ռուս-թուրքական կապերի հետագա զարգացման հարցերը»,-ասված Է Կրեմլի մամուլի ծառայության հաղորդագրության մեջ: