Տարեկան ավելի քան 1 մլն մարդ մահանում է մոծակների, ճանճերի, տիզերի եւ այլ միջատների միջոցով փոխանցվող հիվանդություններից:
Նարեկ Միրզոյանը ֆեյսբուքյան իր էջում գրում է.
Տարեկան ավելի քան 1 մլն մարդ մահանում է մոծակների, ճանճերի, տիզերի եւ այլ միջատների միջոցով փոխանցվող հիվանդություններից: ՀՀ-ում մինչ օրս միջատների հարուցած հիվանդություններից համաճարակ չի եղել եւ առավելեւս մարդ չի մահացել, բայց մեր երկիրը ջանասիրաբար պայքարում է մոծակների եւ այլ խայթող միջատների դեմ:
Ջերմուկ քաղաքի սոցիալ-տնտեսական զարգացման գործում տուրիզմն ունի գերակա առաջնահերթություն: Տուրիզմի զարգացմանը նպաստող անվիճելի գործոններից են մարդկանց հանգստի պատշաճ մակարդակով կազմակերպումը, անվտանգ և որակյալ սննդի ապահովումը, վարակիչ հիվանդություններից մարդկանց և կենդանիների պաշտպանությունը և այլն: Տուրիզմի գոտիներում կարևորվում է նաև հիվանդությունների բռնկման և տարածման կանխարգելումը, ինչին նպաստում է նաև միջավայրում միջատների, այդ թվում մոծակների դեմ պայքարի կազմակերպումը:
Այս տարի ևս կառավարության ընդունած որոշման համաձայն, 15 մլն դրամ է հատկացվելու Ջերմուկ քաղաքում մոծակների եւ այլ խայթող միջատների դեմ պայքարի համար:
«Ամեն տարի այցելում ենք Ջերմուկ քաղաք: Այստեղ շատ հանգիստ է, սակայն ընդամենը մեկ խնդիր կա. Երեկոյան հնարավոր չի լինում զբոսնել քաղաքում, մոծակները եւ խայթող այլ միջատներն իրենց «գրոհն» են կազմակերպում մարդկանց վրա»:- մեզ հետ զրույցում նշեց Արտաշատ քաղաքի բնակիչ Հրանուշ Սարգսյանը:
Մեկ այլ զբոսաշրջիկ էլ ով եկել էր Երեւանից ավելացրեց, որ երկար ժամանակ հետեւում է ակտիվ Ֆեյսբուքցիների գրառումներին եւ զարմանում.
«Ինձ շատ հետաքրքիր է այն մարդկանց տեսակետը, ովքեր օր ու գիշեր բարձրաձայնում էին, որ պետք է Ջերմուկ քաղաքի մոծակների դեմ պայքարելու համար այդքան գումար ծախսել եւ գրում էին, որ ավելի լավ է այդ գումարները ուղղեն այլ ծրագրերի իրականացմանը: Հիմա հարց. Եթե դուք ձեր ընտանիքների հետ այցելել եք Ջերմուկ ու ձեր երախան ունի ալերգիկ հիվանդություններ ու մոծակի խայթոցից իր մոտ առաջանում է թույլություն, գլխապտույտ, եւ այլ ախտանիշներ, դուք այդ ժամանակ չե՞ք ասելու, բա Գյուղատնտեսության նախարարությունը ի՞նչ է մտածում կամ Ջերմուկի քաղաքապետարանը ի՞նչ է մտածում, որ մոծակներին վերացնելու համար ոչ մի գործընթաց չի իրականացնում: Հիմա էլ Գյուղնախարարությունը գումար է հատկացրել, որպեսզի մոծակների այլ խայթող միջատների դեմն առնեն, փոխանակ կոչ անենք, որ մյուս քաղաքներում եւս իրականացնեն այս գործընթացը, դուք դրել ասում եք, որ այդ գումարներով այլ բան կարող էին անել»:- մեզ հետ զրույցում նշեց Երեւանաբնակ Կարինե Խաչատրյանը:
Վարակի տարածման գործում միջատները մեխանիկական կամ կենսաբանական գործոն են հանդիսանում, այսինքն մի քանի հիվանդության հարուցիչները միջատի միջոցով ինքնստինքյան փոխանցվում են, մյուս դեպքում` հարուցիչները միջատի օրգանիզմում անցնում են կենսաբանական զարգացման որոշակի փուլ պայմանավորելով տվյալ հիվանդության հետագա ընթացքը: Միջատների կենսագործունեության բնական միջավայրերը` չմշակվող արոտավայրերը, կանգնած, չհոսող ջրային միջավայրերը, օրգանական թափոնների կուտակումները, անտառածածկ վայրերը, անասնապահական նշանակության օբյեկտները, գյուղատնտեսական արտադրանքի շուկաները հանդիսանում են մի շարք վարակիչ հիվանդությունների բնական օջախներ: Կարևոր խնդիրներից է նաև հանգստի ընթացքում միջատների կծող և խայթող ազդեցությունից մարդկանց մոտ ալերգեն դրսևորումների և դրանից բխող հետևանքների առաջացումը:
«Դեռևս անցյալ տարի Ջերմուկում նկատվում էր մոծակների թվի կտրուկ ավելացում, ինչի արդյունքում էլ ավելանում էին ալերգիայի ախտանիշով բժիշկներին դիմողները թիվը: Հիմանակնում զբոսաշրջիկներն էին , ովքեր ունեն ալերգիկ հիվանդություններ: Դիմում էին նաեւ մարդիկ, ովքեր շփում են ունեցել խայթող այլ միջատների հետ: Օրինակ, ասենք՝ մեղուների հետ: Հանդիպում են նաեւ մարդիկ, ում մոտ մեղվի խայթոցից անմիջապես հետո նկատվում է մաշկի կարմրություն, ցան եւ այլ ախտանիշներ»: - մեզ հետ զրույցում նշեց մաշկաբան Կարինե Սուքիասյանը եւ ավելացրեց, որ եթե այնուամենայնիվ հայտնվել են այնպիսի իրավիճակում, երբ առկա է խայթոց պետք է դիմել բժշկի օգնությանը:
Նախագծի իրականացումից ակնկալվում է մոծակների սեզոնային ակտիվության ժամանակահատվածում համաճարակային և սանիտարական կայուն իրավիճակի ստեղծում, մոծակների միջոցով կենդանիների և մարդկանց համար ընդհանուր վարակիչ և արյունամակաբուծային հիվանդությունների բռնկման, զարգացման և տարածման կանխարգելում, արոտային շրջանում գյուղատնտեսական կենդանիներին միջատների հարձակումից հնարավորիս պաշտպանության ապահովում, որը կնպաստի նաև արոտային շրջանում կենդանիների բարձր մթերատվության և արյունածուծ միջատների միջոցով արյունամակաբուծային հիվանդություններով վարակման կանխում, հանգստի գոտում մոծակների քանակական դրսևորմամբ պայմանավորված մարդկանց սեզոնային ալերգիկ դրսևորումների նվազեցում, միջատների կենսաբանական ակտիվության ժամանակահատվածում մարդկանց սննդի անվտանգության ապահովում:
Ի դեպ, այսօրվանից առողջարանային Ջերմուկ քաղաքում մեկնարկել են խայթող միջատների դեմ իրականացվող սրսկման գործընթացը: Ինչպես նշված է Ջերմուկի քաղաքապետարանի տարածած հաղորդագրության մեջ, զբոսաշրջիկներին եւ քաղաքի բնակիչներին խորհուրդ չի տրվում այցելել կանաչապատ տարածքներ, այգիներ եւ անտառներ:
1
2
3
4
5
1
3
4
5
1
2
3
5
