Երևանը դրախտավայր է . Միջազգային պարբերականը նշել է 9 պատճառ Երևանում ապրելու համար

Wnews.am-ը գրում է . 

Միջազգային Medium հրատարակչությունն անդրադարձել է երեւանյան կյանքին՝ ներկայացնելով դրա առավելությունները։

Հոդվածագիրը նշել է ինը պատճառ, թե ինչու մարդիկ, ովքեր աշխատում են առանձնացված համակարգչով, պետք է Երեւանն ընտրեն մշտական բնակություն հաստատելու համար եւ ինչով է գրավիչ Հայաստանի մայրաքաղաքը։

Թոմ Ալենը Երեւանում վաղուց է ապրում։ Նա Հայաստանում գտել է իր երկրորդ հայրենիքը։ Նման հոդված գրելու հիմքն է հանդիսացել վերջին հինգ տարիներին քաղաքի զարգացումը եւ այն, որ Երեւանն այսօր ունակ է բավարարել «թվային թափառաշրջիկի» բոլոր պահանջները։

Wnews.am-ը ներկայացնում է նրա հոդվածը՝ կրճատված տարբերակով։

Երեւանն աշխարհի ամենամշակութային տարածաշրջաններից է.

Շրջափակված լինելով Ռուսաստանով, Թուրքիայով եւ Իրանով, ամեն կողմից պաշտպանված լինելով լեռնաշղթաներով, Հարավային Կովկասը դարեր շարունակ համարվել է մշակույթի եւ լեզուների եռացող զամբյուղ։

Ճանապարհորդը դժվար կարողանա գտնել ավելի գրավիչ տարածաշրջան՝ հասանելի հասարակական տրանսպորտով, հրաշալի լանդշաֆտով եւ հյուրընկալ ջերմությամբ։ Այն հետազոտությունների եւ արկածների պոտենցիալ վայր է։

Երեւանը ոչ թե տարածաշրջանային քաղաք է, այլ տեղային գյուղ.

Երեւանի կենտրոնի կյանքն ապացուցում է, թե ինչ խիտ է բնակեցված քաղաքը եւ ինչպես են բնակիչները փոխկապակցված իրար։ Դուք չեք կարող անցնել մայրաքաղաքի կենտրոնով եւ չհանդիպել որեւէ ծանոթի։

Երեւանում ապրելն ապահով է եւ ուրախ.

Հոդվածագիրը նշում է, որ Երեւանում ապրելը շատ անվտանգ է. հանցավորության աստիճանը բավականին ցածր է։ Միակ ռիսկը, որին կարող եք բախվել այն է, որ տաքսու վարորդները ձեզնից ավել գումար կպահանջեն,  բայց չէ՞ որ այդպես ամենուր է։

Երեւանը քաղաք է, որտեղ պետք չէ անընդհատ շրջվել. մարդիկ զբոսնում են, հաճախում մարզասրահներ, թանգարաններ, սրճարան-գրադարաններ, մասնակցում փառատոնների։

Երեւանում կյանքը բավականին մատչելի է.

Մայրաքաղաքի կենտրոնը ժամանակակից եւ զարգացած է, այստեղ կան շատ եվրոպական սրճարաններ, մշակութային կենտրոններ, էլիտար շինություններ։ Դրա հետ մեկտեղ այստեղ կյանքը մատչելի է։ Ամսական 1000 դոլարը բավարար է ապրելու համար։  300–400 դոլարով կարելի է բնակարան վարձել, իսկ 10 դոլարով նորմալ սնվել, 2 դոլարով տաքսիով հասնել քաղաքի ցանկացած հատված։

Եթե անգամ գիշերային կյանքի սիրահար չեք, դուք վայելում եք այն Երեւանում

Ամռանը, երբ շոգ է, հայտնաբերում եք, որ երեւանյան կյանքը սկսում է մայրամուտից հետո։ Կան փաբեր, բարեր, գիշերային ակումբներ։  Մի խոսքով, գիշերը քաղաքը եռում է մարդկանցով, ողջ քաղաքում ջերմություն եւ հանգստություն է տիրում։

Դուք գլխով խորասուզվում եք խոհանոցային եռացող կաթսայի մեջ.

Հոդվածագրի խոսքերով, Հայաստանում ձեզ կարող են առաջարկել ճաշատեսակների լայն տեսականի, որոնք բավականին համեղ են։

Երեւանը վայր է, որը գրեթե ոչ ոք չի կարող ցույց տալ քարտեզի վրա.

Դուք, հնարավոր է, լսել եք Հայաստանի մասին, սակայն կարո՞ղ եք այն ցույց տալ քարտեզի վրա։ Գիտե՞ք բնակչության թիվը, ո՞ր երկրների հետ է այն խաչվում, ի՞նչ լեզուներով են խոսում մարդիկ…դժվար թե։

Բոլորն են տեղյակ, որ  որպես «թվային թափառաշրջիկ» առավելություն կունենաք՝ գտնվելով չնախանշված վայրում։ Կգերազանցեք մյուսներին՝ հատկապես, որ Երեւանից ուղիղ չվերթներ կան Մոսկվա, Դուբայ, Ստամբուլ, Վիեննա, Փարիզ, Հունաստան, Վարշավա, Կիեւ, Թեհրան։

Ինտերնետի արագությունը բավարար է, շատ սրճարաններ ունեն  WiFi

Երեւանը վերջին տարիներին այս առումով մեծ առաջընթաց է ապրել։ Անսահմանափակ ինտերնետի հասանելիությունը կարելի է կազմակերպել երկու օրվա մեջ՝ ամսական վճարելով շուրջ 25 դոլար։ Գրեթե բոլոր սրճարաններն ունեն վստահելի WiFi։