Կանացի հինգ սեքս-սխալներ, որոնք փչացնում են հարաբերությունները

Սեքսի ընթացքում կանանց թույլ տված սխալները հաճախ զուգընկերների սեռական կյանքի խաթարման պատճառ են դառնում: Եվ այսպես, պատճառները. 

1. Օրալ սեքսից զզվելը

Օրալ սեքսը հատուկ հաճույք է, որը պիտի առկա լինի զույգի ինտիմ կյանքում: Եթե օրալ սեքսը քո մեջ տհաճ զգացողություններ է առաջացնում, անկեղծ խոսիր զուգընկերոջդ հետ եւ ասա, որ դեմ չես նրան նման հաճույք պատճառել, բայց պայմանով, որ նա ցնցուղ ընդունի:  Հետո էլ` կարող ես միանալ նրան եւ նախերգանքը սկսել ջրի տաք, լիցքաթափող շիթերի տակ: 

2. Փորձարկումներից վախենալը

Ոչինչ ավելի արագ չի սպանում սեռական կյանքը, որքան զուգընկերը, որը չի համաձայնում դուրս գալ սեռական հարմարավետության իր տարածքից: 

Բարդույթավորված եւ կաշկանդված կանայք ոչ միայն վախենում են փորձարկումներից, այլեւ դժվարությամբ են զիջումների գնում:  Հաճախ տղամարդու` բուժքրոջ կամ ոստիկանի համազգեստ հագնելու խնդրանքին ի պատասխան կինը կտրականապես հայտարարում է, որ իր համար դա այլասերում է: 

Ամեն անգամ, երբ կինը մերժում է տղամարդու սեռական խնդրանքները (որոնք կապված չեն ֆիզիկական կամ հոգեբանական բռնության հետ), նա այդպիսով հայտնում է, որ տղամարդու սեռական բավարարվածությունն իր համար նշանակություն չունի: 

Համաձայնիր պաղպաղակ լիզել նրա պորտից, թույլ տուր կապել աչքերդ կամ էլ քեզ ձեռնաշղթայով գամել անկողնուն, եւ կնկատես, թե որքան դրականորեն դա կազդի տղամարդու եռանդի վրա:  

3. Կինը չի ճանաչում իր մարմինը 

Կանացի օրգազմը նուրբ հարց է, որը կնոջ կողմից ջանքեր է պահանջում: Եթե տղամարդկանց մեծամասնությունը պայքարում է հանրային վայրերում ակամա էրեկցիայի դեմ, ապա աղջիկների մոտ ամեն ինչ ճիշտ հակառակն է: 

Վիճակագրության համաձայն, ինքնաբավարարումից հաճույք ստացող կանանց 95 տոկոսը հաճույք է ստանում նաեւ անկողնում` տղամարդու հետ: Միաժամանակ այն կանայք, որոնք ինքնաբավարարմամբ չեն զբաղվել, կարող են կյանքում երբեւէ օրգազմ չզգալ: 

Սեքսից հաճույք չստացող կինը վշտացնում է տղամարդուն, եւ նա սկսում է իրեն անլիարժեք զգալ: Ականջ դիր մարմնիդ, ինքնաբավարարման տարբեր մեթոդներ փորձիր եւ ավելի հեշտ կլինի զուգընկերոջդ հետ օրգազմի հասնելը: 

4. Նախաձեռնության բացակայությունը 

Եթե կինը միշտ սպասում է, որ առաջին քայլը տղամարդն անի`այդ հարցում սեփական նախաձեռնություն չցուցաբերելով, տղամարդը կարող է դա ընկալել որպես նրա կողմից սեռական ցանկության բացակայություն: 

Մի ամաչիր եւ գործիր, երբ ուզում ես սեքսով զբաղվել: Նման դեպքում ավելի լավ է սկսել մի քանի սեռական ակնարկից` հայացքներ, համբույրներ, գրկախառնություններ, հպումներ: Այդ ամենը հրաշալի արդյունք է տալիս եւ միանշանակորեն կգրգռի տղամարդուն նույնիսկ այն դեպքում, երբ նա չէր էլ մտածում սեքսի մասին: 

5. Չափազանց ամաչկոտություն 

Տղամարդիկ սիրում են նայել: Կանանց մերկ մարմինը նրանց համար հզոր գրգռիչ գործոն է, եւ չարժե զուգընկերոջը զրկել այդ հաճույքից: Մի կողմ դիր բարդույթները, դրանք անտեղի են, երբ դուք սիրելի մարդու հետ անկողնում եք:  

Մոռացիր լույսերը հանգցրած սենյակում սեքսի մասին, թույլ տուր, որ հետեւի մարմնիդ բոլոր մասերին (որքան էլ մարմինդ քեզ թերի թվա): Սեքսով զբաղվեք հայելու դիմաց, որոշ տղամարդկանց դա հատկապես գրգռում է: