Ի՞նչ են պատմում տղամարդու շրթունքները

Ինչպիսի՞ բնավորություն, հակումներ ունի նա, ի՞նչ հեռանկար է խոստանում նրա հետ  ավելի մտերիմ հարաբերությունը… Մտահագող հարցեր, որոնք, իհարկե, չես կարող տալ նրան միանգամից` հենց ծանոթության սկզբում: Եվ դրա անհրաժեշտությունն էլ չկա. պարզապես ուշադիր նայիր նրա… աչքերի՞ն. ո’չ, մի քիչ ներքև` շրթունքներին: 

Աստղագետները առանձնացնում են տղամարդկանց շրթունքների 12 հիմնական տեսակ, որոնք համապատասխանում են 12 մոլորակներին և 12 բնավորություններին:

Արև - Ձևամոլ
Երկար, լավ ընդգծված շրթունքներ, կենտրոնում` լայն, անկյուններում` աստիճանաբար նեղացող և մի փոքր վեր բարձրացող: 

Նա մասին: Իր ուժերի վրա վստահ մարդ է: Նա սիրում է լինել ուշադրության կենտրոնում, մասնավորապես` հակառակ սեռի ներկայացուցիչների շրջանում: Նախընտրում է իր զգացմունքները արտահայտել բոլոր հասանելի միջոցներով: Նրան պետք է անկաշկանդ և ազատամիտ ընկերուհի, որը պատրաստ է ձեռնարկումներում աջակցել իրեն:
Հեռանկարների մասին: Նա քեզ հետ սիրավեպ կսկսի, սակայն հանգամանքները այնպես կդասավորի, ասես դու երազում էիր նրա մասին և ինքդ ես հարաբերությունները կառուցել: Նա կարող է հրապարակայնորեն քեզ քնքուշ խոստովանություններ անել, սակայն կարող է նաև քեզ հետ վեճի բռնվել ուրիշների ներկայությամբ: Սեքսը նրա համար նախ և առաջ ներկայացում է` իր գլխավոր դերակատարմամբ:

Լուսին - Զգացմունքային
Լիքը և շատ ընդգծված շրթունքներ:

Նրա մասին: Հեշտ խոցելի, զգացմունքային անհատ  է: Հաճախ լինում է ամաչկոտ և անվճռական: Նախընտրում է, որ հարաբերություններում նախաձեռնությունը վերցնի հակառակ սեռի ներկայացուցիչը: Նա զուսպ է, բայց եթե սիրահարվի, ապա դա 100% զգացմունք կլինի: Այսպիսի մարդիկ սեր չեն խաղում, այլ ապրում են դրանով:
Հեռանկարների մասին: Նրա համար շատ կարևոր է զգացմունքների մոտիկությունը, «հոգիների հարազատությունը» և համատեղ գոյությունը: Այնպես որ, եթե ձեր միջև սիրավեպ սկսվի, ապա չի բացառվում, որ շատ շուտ սկսեք իրար հետ ապրել: Նա պաշտում է երկարատև համբույրները, իսկ սեքսում նախընտրում է դասական դիրքերը: Իր սերը արտահայտելու համար նրան պետք է հանգստություն, լռություն և առանձնացում: Նրա սեռական վիճակը հիմնականում կախված է զգացմունքներից:

Մերկուրի(Փայլածու) - Թեթևամիտ
Որոշակի ձև չունեցող, բարակ, երկար շրթունքներ` անկյունները փոքր-ինչ վեր բարձրացող:   

Նրա մասին: Երևակայել և փորձարկումներ սիրող, թեթևամիտ ու ոչ կայուն անձնավորություն: Նա արձագանքում է հակառակ սեռի կողմից դրսևորվող ամենափոքր ուշադրությանն անգամ, որի ուշանալու դեպքում նախաձեռնությունը վերցնում է իր ձեռքը:
Հեռանկարների մասին: Ի տարբերություն շատ տղամարդկանց` նա սիրում է կանանց հետ խոսել սեքսի մասին: Նրան խելքահան է անում գայթակղիչ ներքնազգեստը, էրոտիկ թեթև մերսումը, սեքսուալ խաղերը: Այսինքն` նրան դուր է գալիս այն ամենը, ինչը բորբոքում է իր երևակայությունը:

Ցերերա-Ինտելեկտուալ
Գրեթե Մերկուրիի տիպի շուրթեր, սակայն ավելի ընդգծված:

Նրա մասին: Նրա բանականությունը գերակայում է զգացմունքների վրա, սակայն նա ինքն իրեն ռոմանտիկ տղամարդ է համարում: Զգացմունքներում զսպված է: Չի սիրում, որ իր անձին չափազանց ուշադրություն են դարձնում, բացառապես այն դեպքերի, երբ ինքը դրա համար հատուկ առիթ է տալիս:
Հեռանկարների մասին: Անձնական հարաբերությունները նրա կյանքում զուգորդվում են պարտավորությունների հետ և չեն գերադասվում, ասենք, կորպորատիվ միջոցառումներից կամ տանը մաքրություն անցկացնելուց: Իսկ սեքսը, իբրև առողջարարական գործընթաց, շատ բարձր է դասվում: Եթե դու էլ գործը խոսքից բարձր ես դասում, ապա այս տղամարդը քեզ համար է:
 

Վեներա (Արուսյակ) - Ռոմանտիկ
Ոչ մեծ, փքված, կլոր շրթունքներ:

Նրա մասին: Սրանք զգայական-ռոմանտիկ մարդու շրթունքներ են: Այս տիպի տղամարդիկ սիրում են հարմարավետություն, հաճույք և իրենց նկատմամբ ուշադրության դրսևորում: Նրանք չեն սիրում հարաբերություններում ակտիվ նախաձեռնություն ունենալ: Միշտ հստակ գիտեն` ինչ են ուզում և այսպես թե այնպես հասնում են դրան:
Հեռանկարների մասին: Իր երկրորդ կեսի նկատմամբ նա խիստ պահանջկոտ է: Դու պետք է կանացիության մարմնացում լինես և անկրկնելի տեսք ունենաս անգամ վաղ առավոտյան: Նա սիրում է հանգիստ, երկարատև սեքս` առանց ավելորդ խաղերի և դիրքերի հաճախակի փոփոխության: Ներդաշնակությունը աղավաղող ցանկացած բան նրան հանում է հունից:

Մարս (Հրատ)-Նվաճող
Գծանման շրթունքներ` բարակ, դժգույն, հազիվ նկատելի, ասես սեղմված:

Նրա մասին: Ակտիվ, կամային անհատ, ով հակված է առաջնորդ լինել: Նա նախընտրում է ոչ թե սիրահետել, այլ` նվաճել, ոչ թե գայթակղել, այլ` ենթարկել: Նրա հետ սիրավեպը հանկարծակի է սկսվում. հանկարծ նա հասկանում է, որ առանց քեզ ապրել չի կարող: Նրա հետ չպետք է վիճել. եթե նա սառի, ապա` վայրկենապես և ընդմիշտ:
Հեռանկարների մասին: Եթե տիրապետում ես կանացի խորամանկություններին, ապա հեշտությամբ կկարողանաս նրան ղեկավարել, քանի որ հաճախ նրա զգացմունքների ուժգնությունը կախված է տվյալ պահին, ասենք, քո զգեստի բացվածքից կամ էլ շրթներկիդ գույնից: Քնքշության և սիրախաղի բոլոր դրսևորումներից նա գերադասում է ակտիվ սեքսը: Ուստի եթե դու հակված ես ռոմանտիկային, կամ երեկոյան բանաստեղծությունների ընթերցմանը, ապա քիչ հավանական է ձեր փոխըմբռնումն ու ներդաշնակությունը:

Սատուրն (Երևակ) - Պրագմատիկ
Բարակ, դժգույն, ընդգծված շրթունքներ` ծայրերը փոքր-ինչ ներքև թեքված` անկյուններում կասկածամտությանը բնորոշ ծալքերով:

Նրա մասին: Զուսպ է, խուսափում է բուռն զգացմունքներից և կրքերից: Մտերիմ հարաբերություններ է հաստատում միայն իր համակրանքին արժանացած կնոջ հետ` մանրակրկիտ ուսումնասիրելուց  ու բոլոր կողմ և դեմերը կշռադատելուց հետո: Ընտանիքում նա առանձնանում է հավատարմությամբ և կայունությամբ:
Հեռանկարների մասին: Ուրիշների ներկայությամբ նա մի քիչ ամաչկոտ է և դժվար թե հիանա քնքշանքի ինքնաբուխ դրսևորումներով: Տղամարդու այս տիպը սեքսում գնահատում է կնոջ ակտիվությունը և դիրքերի բազմազանությունը:

Յուպիտեր (Լուսնթագ) - Որսորդ
Միջին, կամ էլ նկատելիորեն մեծ, ընդգծված շրթունքներ: Վերին շրթունքը ունի որսորդական աղեղի ձև:

Նրա մասին: Կրքոտ է, պատվախնդիր, իրեն շրջապատից դուրս չի պատկերացնում, սիրում է արդյունավետ կատակել և ուշադրությունը իր անձի վրա կենտրոնացնել: Սիրո մեջ նրան հաճախ շարժում է սպորտային հետաքրքրությունը: Ամեն դեպքում, նա բաց չի թողնում ինչ-որ մեկին հրապուրելու հնարավորությունը, որը համարում է սիրավեպի ամենագրավիչ մասը:
Հեռանկարների մասին: Նա կարող է քեզ բարձրացնել իդեալականի պատվանդանին, կամ էլ որոշել, որ դու կյանքի այնպիսի ընկեր ես, ով նրան պետք է, և պատահական չեն նրա խոսքում այսպիսի ձևակերպումները. «Հիմա ես ապրում եմ քեզ հետ, ինչը նշանակում է….»: Սեքսում նա հավատարիմ է ավանդական եղանակներին` առանց փորձարկումների և երկարատև նախերգանքի:

Ուրան - Ընկեր
Լավ ընդգծված, միջին մեծության շրթունքներ: Վերին շրթունքի կենտրոնական հատվածը ունի թեթևակի սրված ծայրեր:

Նրա մասին: Անկաշկանդ, աշխույժ անհատ, ով միշտ պատրաստ է արկածների, բայց միևնույն ժամանակ շատ զգացմունքային չէ: Նրան այնքան էլ հեշտ չէ ստիպել խենթորեն սիրահարվել: Նա հարաբերություններում նախաձեռնությունը կարող է իր վրա վերցնել, եթե տեսնում է, որ դա քեզ անհրաժեշտ է, սակայն երբեք չի պնդի իր առաջնորդության հարցում:
Հեռանկարների մասին: Անձնական հարաբերություններում նա կարևորում է վստահությունը և մտածելակերպի նմանությունը: Բայց նկատի ունեցիր, որ նա տանել չի կարող կապանքներ, սահմանափակումներ և պարտականություններ: Զգացմունքների դրսևորման մեջ գնահատում է ազատությունը և անկաշկանդվածությունը:

Նեպտուն - Երազող
Շրթունքները նման են Յուպիտերի տեսակին, բայց մի քիչ փափուկ և լիքը` հատկապես ներքևի շրթունքը: 

Նրա մասին: Քեզ բաժին է ընկել զգացմունքային, հուզառատ տղամարդ, ով ապրում է երազների և իդեալների աշխարհում: Նա սիրառատ է, ռոմանտիկ, ում զգացմունքները ափերից դուրս են հորդում, ով ինքն իրեն «ծախսում» է առանց խնայելու: Սակայն նաև քմահաճ է և փոփոխական:
Հեռանկարների մասին: Նա ձգտում է ամբողջությամբ ձուլվել քեզ և այդ իսկ պատճառով մշտապես քեզ հետ շփվելու կարիք ունի: Նրան ոչինչ պետք չէ. բավական է նստել, նայել, բռնել ձեռքդ և ընդարմանալ: Այս վիճակում նա կարող է ապրել տարիներ շարունակ:

Պլուտոն-Զավթող
Միջին մեծության, հավասար, տերևանման շրթունքներ: Վերին շրթունքը իր լայնությամբ գրեթե հավասար, անգամ մի քիչ լայն է ստորին շրթունքից: Կենտրոնում գրեթե կորացում չկա:

Նրա մասին: Զգուշավոր է, սիրո մեջ` իշխող: Այսպիսի տղամարդիկ ձգտում են ամբողջությամբ տիրել իրենց սիրելիին, հսկողության տակ պահել նրա բոլոր գործերը և մտադրությունները: Նա խանդոտ է, նեղացկոտ, տաքարյուն և հիշաչար:
Հեռանկարների մասին: Քնքուշ զգացմունքները նրա կյանքում կապված են բուռն անհանգստությունների, ճակատագրական շրջադարձերի և վտանգավոր արարքների հետ: Դու ստիպված ես հաղթահարել ոչ մեկ փորձություն` մինչև նա կհասկանա, թե որքան ես համապատասխանում իդեալական կնոջ մասին իր պատկերացումներին: Անկողնում նա կամ հակված է ծայրահեղության, կամ էլ շատ պահպանողական է:

Քիրոն (Կենտավրոս) - Էսթետ
Միջին մեծության շրթունքներ: Ստորին շրթունքը հավասար է, ուղիղ և նեղանում է միայն անկյունների մոտ, իսկ վերին շրթունքի մեջտեղի հատվածը զգալի վեր է բարձրանում: 

Նրա մասին: Նա պաշտում է սիրախաղ սկսել, իրեն ցույց տալ, ակնարկներ անել: Սակայն վճռական քայլեր շատ դժվարությամբ և հազվադեպ է անում: Հակառակ սեռի նախաձեռնությունները չի մերժում, բայց և ամբողջությամբ չի աջակցում: Նա շատ է կախված քո տրամադրությունից և քո պահվածքից:
Հեռանկարների մասին: Մտերիմ հարաբերությունը նրա համար նախ և առաջ խաղընկերություն է` համաձայնության հասնել, փոխզիջումների գնալ, միասին լուծել որոշ խնդիրներ: Քո ընտրյալի համար կարևորը  էսթետիկան է. նրան հաճույք է պատճառում մարմնի գեղեցկությունը: Իսկ ‎‎ֆիզիկական բավարարվածությունը այս տղամարդկանց համար հարաբերությունների երկրորդական կողմն է: