Օլիմպիական խաղերի արծաթե մեդալակիրը պարզապես ապշեցրեց իր վստահ ու կայուն կրակոցներով
Կարեն Գիլոյանը ֆեյսբուքյան իր էջում գրում է .
Ավարտվեց հրաձգության 10 մետրից օդամուղ հրացանով վարժության մրցումը: Հայաստանը ներկայացնում էր 18-ամյա Հրաչիկ Բաբայանը: 2014 թվականին Նանկինում կայացած Պատանեկան օլիմպիական խաղերի արծաթե մեդալակիրը պարզապես ապշեցրեց իր վստահ ու կայուն կրակոցներով: Նա վաստակեց 629.3 միավոր, սահմանեց Եվրոպայի երիտասարդական ռեկորդ, գրավեց առաջին տեղն ու մտավ եզրափակիչ:
Եզրափակչի 8 մասնակիցներից 5-ն արդեն նվաճել էին Ռիո դա Ժանեյրոյի օլիմպիական խաղերի ուղեգիր: Պետք էր հաղթել Գերմանիայի և Իսրայելի ներկայացուցիչներին և նվաճել օլիմպիական վարկանիշ: Ամեն ինչ հրաշալի էր ընթանում: Սկզբում Հրաչիկն առաջատարն էր, ապա երրորդը, հետո երկրորդը: Այդպես մինչև 12-րդ կրակոցը: 14-րդ կրակոցին հանկարծ տեղի տվեցին մեր պատանու նյարդերը, նա խոցեց 9.2 նիշը և, զբաղեցնելով 5-րդ տեղը, դուրս մնաց հետագա պայքարից: Իսկ Իսրայելի ներկայացուցիչը նվաճեց բաղձալի ուղեգիրը: Սակայն կարևորն այն է, որ այս մրցման ամենակրտսեր մասնակիցն արժանացավ մասնագետների ամենաբարձր գնահատականին: Հրաչիկ Բաբայանն առաջին անգամ մտավ մեծահասակների մրցման եզրափակիչ և ցույց տվեց իր լավագույն արդյունքը: Իսկ դա նշանակում է, որ մեծ հաղթանակները դեռ առջևում են: Պայքարը շարունակվում է:
1
2
3
4
5
1
3
4
5
1
2
3
5
