ԱԻՆ-ը ներգործության է ենթարկել կարկտավտանգավոր հինգ ամպ

ՀՀ ԱԻՆ հիդրոմետ ծառայությունը տեղեկացնում է, որ հուլիսի 11-ին, ժամը 06.53-ից մինչև 10.43-ը ընդամենը 204 հակակարկտային կայանքներից ներգործության է ենթարկվել 2-րդ կարգի կարկտավտանգավոր 4 ամպ և 3-րդ կարգի 1 ամպ, կատարվել է 61478 կրակոց: Այս մասին տեղեկացրին ՀՀ արտակարգ իրավիճակների նախարարությունից:

Կոտայքի մարզի Եղվարդ համայնքում տեղացել է թույլ կարկուտ, որը վնասներ չի պատճառել. նշված համայնքը պաշտպանվում է Հիդրոմետ ծառայության կողմից:

Հուլիսի 11-ին, ժամը 09.52-ից մինչև 10.43-ը ՀՀ ԱԻՆ հիդրոօդերևութաբանության ծառայության հակակարկտային 13 կայանքից Կոտայքի մարզի Եղվարդ, Նոր Գեղի, Նոր Արտամետ, Արգել, Մրգաշեն և Քանաքեռավան համայնքների տարածքներում ներգործության է ենթարկվել կարկտավտանգավոր 2-րդ կարգի 1 ամպ կատարվել է 7013 կրակոց:

Ժամը 06.53-ից մինչև 10.37-ը ՀՀ ԱԻՆ հիդրոօդերևութաբանության ծառայության հակակարկտային 136 կայանքից Արմավիրի մարզի Ջրառատ, Երասխահուն, Վարդանաշեն, Մարգարա, Արազափ, Արգավանդ, Ջանֆիդա, Նալբանդյան, Վանանդ, Կողբավան, Արտամետ, Շենիկ, Արգինա, Քարակերտ, Դալարիկ, Բամբակաշատ, Արաքս, Փշատավան, Հացիկ, Արևադաշտ, Ծաղկալանջ և Արաքս համայնքների տարածքներում ներգործության է ենթարկվել կարկտավտանգավոր 2-րդ կարգի 1 ամպ և 3-րդ կարգի 1 ամպ, կատարվել է 38987 կրակոց:

ժամը 06.53-ից մինչև 10.18-ը ՀՀ ԱԻՆ հիդրոօդերևութաբանության ծառայության հակակարկտային 55 կայանքից Արագածոտնի մարզի Արագածավան, Արտենի, Լուսակն, Ներքին Սասնաշեն, ՈՒջան, Կոշ, Արագած, Կարբի, Օհանավան, Սաղմոսավան, Արտաշավան, Ոսկեհատ, Ոսկեվազ, Աղձք, Ագարակ, Փարպի, Ղազարավան և Նոր Եդեսիա համայնքների տարածքներում ներգործության է ենթարկվել կարկտավտանգավոր 2-րդ կարգի 2 ամպ կատարվել է 15478 կրակոց: