Վարդուհի Ալեքսանյանն անակնկալի է բերել Գոհար Գասպարյանին հարսանիքի օրը

Bravo.am-ը գրում է . 

Վարդուհի Ալեքսանյանը գրեթե մեկ տարի առաջ իրականացրեց իր վաղեմի երազանքը` ընկերուհու` Դինա Ավետիսյանի հետ հայաշատ Գլենդեյլ քաղաքում հիմնելով պարի դպրոց: Պարուհի-հաղորդավարուհին, ով այս օրերին Երեւանում է, լուսանկարվել է BRAVO.am-ի համար եւ զրուցել մի շարք թեմաների շուրջ:

Վարդուհի Ալեքսանյանը

Ուրախալի լուր ստացա. մտերիմ ընկերուհիս` Գոհար Գասպարյանը, պատրաստվում է ամուսնանալ: Երկար սպասված երջանիկ օրն անպայման պետք է միասին կիսեինք: Անակնկալ էր ոչ միայն նրա, այլեւ մեր մյուս ընկերների համար, երբ հանկարծ եկեղեցում նկատեցին ինձ: Հիանալի օր էր իմ սիրած Երեւանում: 

Այցս կտեւի մինչեւ օգոստոս, որից հետո կրկին կանցնեմ իմ այժմյան հիմնական գործին, որը ԱՄՆ-ում հայ մանուկներին պարային կրթություն տալն է: Օդանավի վայրէջք կատարելիս սիրտս մի պահ լցվեց, երբ տեսա` ինչպես է քամին շոյում ցորենի հասկը: Նման կարոտ երբեք չէի զգացել: 

Կարոտի փոռթկումներ

Դեռ մեկ տարի չկա, ինչ բնակվում եմ Միացյալ Նահանգներում, ուստի չեմ նկատում կտրուկ փոփոխություններ: Միշտ էլ սերտ կապի մեջ եմ Հայաստանում բնակվող ընտանիքիս, հարազատներիս եւ ընկերներիս հետ: Փորձում եմ տեղեկացված լինել անցուդարձից, նորություններից: Ամառային հանգիստս անցկացնում եմ մտերիմ մարդկանց շրջապատում` վայելելով հայկական հարուստ, աննման խոհանոցի եւ հողի բարիքները:

Վարդուհի Ալեքսանյանը

Ոգեւորություն եւ հիասթափություն

Միացյալ Նահանգներում ինձ ոգեւորում է երկրի կարգապահությունը, օրենքի ուժը եւ հավասարությունը: Շատ կուզեի, որ մեր երկրում էլ այդպես լիներ, եւ մարդիկ չձգտեին հեռանալ: Ես հավատում եմ, որ շուտով հենց այդպես էլ կլինի: ժամանակը թելադրում է իրենը, եւ մենք չենք կարող հետ մնալ: 

Հիասթափություններ դեռ չեմ ունեցել, պարզապես, ես այդքան շուտ հիասթափվող եւ հանձնվող մարդ չեմ. սովոր եմ պայքարել հաղթանակի համար: Մամանակավոր եմ բնակվում ԱՄՆ-ում. մտերիմ ընկերուհուս` Դինա Ավետիսյանի հետ իրականացնում եմ մի մեծ նախագիծ` «Grand Stage Dance» կատարողական արվեստի դպրոցը: Մենք արդեն ունենք ավելի քան 150 սան, որոնց շատ սիրում եւ գնահատում ենք: Նրանք մեր դպրոցի գանձերն են: Շատ կուզեմ նույնատիպ նախագիծ իրականացնել նաեւ հայրենիքում, որպեսզի ամբողջ կյանքիս ընթացքում կուտակած մասնագիտական գիտելիքներս եւ փորձս փոխանցեմ հնարավորինս շատ մարդկանց: 

Շարունակությունը` այստեղ :