Հանգսիտը պետք է անցկացնել այն մարդկանց հետ, ում հետ իսկապես հանգստանում ես՝ առանց ավելորդ էներգիա վատնելու. Աստղիկ Սաֆարյան

18 Հուլիս, 2016 12:51

Երգչուհի եւ արդեն իսկ ֆոտոմոդել Աստղիկ Սաֆարյանն այս օրերին գտնվում է Իսպանիայում, բայց հարազատ երկիր է գնացել ոչ թե Հայաստանից, այլ Հունաստանից, ուր անցկացնում էր սպասված հանգիստը:

Life.panorama.am-ին երգչուհին պատմել է ոչ միայն հանգստի, այլեւ սպասվող աշխատանքների մասին:

«Վերջին ժամանակներս բավականին շատ եմ աշխատել՝ նոր երգեր եմ ձայնագրել, տեսահոլովակ նկարահանել, նոր ֆոտոշարքեր իրականացրել, մասնակցել տարբեր նախագծերի, այսինքն՝ աշխատանքի իմաստով գերակտիվ շրջան էր ինձ համար ու փոքրիկ հանգիստն ուղղակի անհրաժեշտ էր ինձ՝ ուժերս հավաքելու ու նոր լիցքերով լցվելու համար»,- նշեց Աստղիկն ու պատմեց անցկացրած հանգստի մասին.

«Երեւանից մեկնեցի Աթենք: Այստեղ վերջին անգամ եղել էի 11 տարեկանում, ուստի տարիներ հետո կրկին նույն վայրում գտնվելով՝ վերապրեցի հիշողություններ դարձած տպավորություններս ու հաճելի ժամանակ անցկացրի»:

Երգչուհին մեզ հետ զրույցում նկատեց, որ ակտիվ հանգստի սիրահար է.

«Ինձ ավելի շատ ակտիվ հանգստի սիրահար եմ համարում, ինքս ինձ համար նկատել եմ, որ գերադասում եմ պատմական երկրներում լինել, քան երիտասարդ երկրներ կամ քաղաքներ ճանաչել: Ամեն դեպքում, որտեղ էլ որ լինում եմ, փորձում եմ հնարավորինս շատ ուսումնասիրել տվյալ քաղաքը, այցելել տեսարժան ու դիտարժան վայրեր եւ գտնել տվյալ երկրին կամ քաղաքին ամենաբնորոշ գիծը՝ սկսած ազգային խոհանոցից մինչեւ ազգային երաժշտություն»:

Աստղիկը նախընտրում է հանգիստն անցկացնել այն մարդկանց հետ, որոնց ներկայությամբ իսկապես կվայելի հանգիստը.

«Ըստ իս՝ հանգսիտը պետք է անցկացնել այն մարդկանց հետ, ում հետ իսկապես հանգստանում ես՝ առանց ավելորդ էներգիա վատնելու: Պետք է հանգստանալ այն մարդկանց շրջապատում, որոնցիս եւս լավ լիցքեր ես ստանում ու կարողանում ես ազատ լինել»:

Երգչուհին Երեւան կվերադառնա շատ շուտով.

«Ինքս ինձ չեմ պատրաստվում երկար ժամանակով հանգիստ պարգեւել, քանի որ մեծ ծրագրեր ունեմ, ուստի պետք է վերադառնամ՝ այդ ծրագրերը ավարտին հասցնելու նպատակով: Բացի այս՝ ես սիրում եմ աշխատել «non-stop» ռեժիմով եւ աշխատանքային նորություններով հաճախակի հանդես գալ»,- ավարտեց Աստղիկը:

Հեղինակ՝ Անուշիկ Մելքոնյան