Ոսկեգործների նոնսենսը
Խաչատրյան Ժորան ֆեյսբուքյան իր էջում գրում է .
Ոսկեգործությունը, ինչպես և տնտեսության բազմաթիվ ոլորտներ, կարող է զարգանալ հարկային ճիշտ քաղաքականության շնորհիվ: Այստեղ, վերջին շրջանում տեղի ունեցան որոշակի փոփոխություններ:
Ոսկու և թանկարժեք քարերի առևտրով զբաղվող մարդիկ դժգոհություն ունեին հարկման ձևաչափից: Ցանկանում էին, որպեսզի շրջանառության հարկը 3.5 տոկոսից իջեցվի 1 տոկոսի:
Հարկման այս ձևաչափը չէր կարող արդյունավետ լինել, քանի որ այս պայմաններում հաճախ տեղի է ունենում իրական շրջանառության քողարկում:
Նոր օրենքը կարգավորում է այս խնդիրը: ՀՀ գործադիր մարմնի որոշմամբ շրջանառության հարկը վերանում է, և դրա փոխարեն սկսում է գործել հաստատագրված վճար: Այն է ՝ 70 սմ սեղանի համար 35,000 արտոնագրային վճար:
Այս ոլորտում նման վճարը բավականին քիչ է, և հաշվի առնելով տվյալ շուկայում աշխատող մարդկանց ամսեկան շրջանառությունը, կարելի է եզրակացնել, որ փաստացի տեղի է ունեցել հարկային բեռի թեթևացում:
Այնուամենայնիվ նոր որոշումը դժգոհություն է առաջացրել ոսկեգործների մի մասի մոտ: Նրանց պնդմամբ, առևտուր չկա և պետք է իջեցնել հարկերը. վճարել 1% շրջանառության հարկ:
Տնտեսական գործընթացներով պայմանավորված, վերջին շրջանում ոլորտում ակտիվությունը ժամանակավոր ընկել է, սակայն դա չի նշանակում, որ պետք է հարկերն իջեցնել :
Եթե նույն տրամաբանությամբ շարժվենք, ապա տեխնիկայի խանութում առևտրի պակասի ժամանակ, սեփականատերը կարող է գալ և պահանջել հարկերի իջեցում: Մերժում ստանալուց հետո բողոքի ալիք կբարձրացնի, որի արդյունքում էլ հանրության մի մասը կպնդի` պետությունը չի ցանկանում աջակցել տնտեսվարողներին:
Հասկանալի է, որ հնարավոր չէ նման տրամաբանությամբ կարգավորել այսօրինակ խնդիրները:
1
2
3
4
5
1
3
4
5
1
2
3
5
