Մարինե Հակոբյանը նիհարել է 13 կգ-ով. երգչուհու խորհուրդները նիհարող ցանկացողներին

Life.tert.am-ը գրում է . 

Հայաստանի պետական ջազ նվագախմբի մենակատար տաղանդավոր երգչուհի Մարինե Հակոբյանը, որի բեմական անունը  Marbey է, 1,5 տարվա ընթացքում 60 կգ-ից դարձել է 47 կգ:

Երգչուհին Tert.am Life-ի հետ զրուցում խորհուրդ է տալիս կանանց և աղջիկներին, որոնք ցանկանում են պահպանել իրենց գեղեցիկ կառուցվածքը:

Երգչուհու կարծիքով ամենարդյունավետ միջոցը ապրել առողջ ապրելոկերպով` մարզվել, զբաղվել ֆիտնեսով և յոգայով:

«Շատ կարևոր է, որ մարդը ժամանակին քնի և ժամանակին արթնանա: Պահպանի սննդակարգն ու ուշ ժամի չօգտագործի սնունդ: Հետևում եմ սննդակարգիս՝ սնվելով բնական մթերքներով:  Նախաճաշին  ուտում եմ շիլա, ձու և մրգեր, հետո հաջորդում է ընթրիքը, ապա ճաշը: Ժամը 7-ից հետո ոչինչ չեմ ուտում: Օրվա ընթացքում ընդիջումներ անում եմ, բայց դա կարող է լինել միրգ, կաթնամթերք»,- ասաց Մարինեն:

Ջազ երգչուհին անկեղծանալով մեզ հետ ասաց, որ երբեմն իրեն թուլ է տալիս ուտել ոչ առողջարար ուտեսներ. «Երբեմն պատահում է, որ շատ ես ուզում ուտել այնպիսի բան, որը առողջարար չէ: Պետք չէ քեզ զրկել դրանից, այլ պետք է սովորություն չդարձնել: Ես սիրում եմ ուտել, երբ ընկերներս ինձ տեսնում են ուտելուց զարմանում են (ծիծաղում է): Բայց դա էական չէ , կարևորն այն է, որ առողջարար սնունդով սնվես»:

Մարինեն խորհուրդ է տալիս պահպանել ներքին ներդաշնակությունը. «Հավասարակշռությունն ու ներդաշնակությունը մեծ դեր ունեն: Պետք է միշտ պահես բարձր տրամադրությունդ և չնյարդայնանաս: Չեմ ընդունում, երբ մարդիկ օրերով հաց չեն ուտում, որ չչաղանան: Դա սխալ է»:

Երգչուհին իր բաղադրատոմսն է ներկայացնում`

Նախաճաշի համար թխվածքաբլիթ

3 ճաշի գդալ հերկուլես

1 ձու

0.5 բանան

Դարջին

Մեղր

Բաղադրիչները հարիչով խառնել և դնել վառարանի վրա:

Մելինե Տոնոյան