Միլիարդատիրոջ կինն իր շքեղ կյանքի պատճառով դարձել է ծաղրի առարկա (լուսանկարներ)
Wnews.am-ը գրում է .
Իհարկե, շքեղ կյանքի մասին բոլորն են երազում, բայց ավելորդ ցուցամոլությունը երբեմն դառնում է ծաղրի առարկա ։ Ուկրաինացի երգչուհի Կամալիան իր ճոխ ապրելակերպի պատճառով հայտնվել է բրիտանական Daly Mail-ի ուշադրության կենտրոնում: Պարբերականը ցուցադրել է, թե ինչպես է ապրում երգչուհի, նախկին մոդել Կամալիան՝ իր միլիարդատեր ամուսնու՝ Մուհամեդ Զահուրի հետ և ծաղրել է շքեղության հանդեպ նրա սերը ։
Կամալիա Զահուրը երբեք չի թաքցրել, որ ապրում է հեքիաթային ճոխ պայմաններում։ Երգչուհին անգամ մասնակցել է “1+1” հեռուստաալիքի «Հարուստները նույնպես լացում են» հաղորդմանը, որտեղ շատ անկեղծ է եղել հանդիսատեսի հետ։
39-ամյա երգչուհին թույլ է տվել Daly Mail-ի լրագրողներին լուսանկարել իր տունը եւ կիսվել է իր ընտանեկան փոքր ավանդույթով։ Հայտնի շիկահերը շատ է սիրում շամպայնով լոգանքներ ընդունել։ Արտասահմանյան լրատվամիջոցներն առիթը բաց չեն թողել քննադատելու Կամալիային չափից դուրս շքեղ կյանքի համար՝ ծաղրելով նրա կողմից պաշտելի «խաղարկային» լոգանքները։
«Ես նման լոգանքներն ամեն օր չեմ ընդունում, այլ անում եմ ամեն վեց ամիսը մեկ տաս օր շարունակ։ Ես օգտագործում եմ շամպայնի 40 շիշ։ Շամպայնը մաքրում է մաշկի ծակոտիները եւ ձգում է այն»,- պատմել է երգչուհին։
Կամալիան պատմել է նաեւ իր զգեստապահարանի մասին, որը լի է հայտնի դիզայներների զգեստներով։ Նրա խոսքերով, իր հագուստների ընդհանուր արժեքը կազմում է շուրջ 100 հազար ֆունտ սթերլինգ։ Շքեղ տանն ապրում են նաեւ ամուսինների զույգ դուստրերը, ովքեր շուտով կդառնան երեք տարեկան։
Կռահելով, որ հոդվածից հետո իր հասցեին բազմաթիվ քննադատություններ են հնչելու, երգչուհին գրել է.
«Սպասում եմ Ուկրաինայից բազմաթիվ քննադատությունների այն մասին, որ այժմ պատերազմ է ընթանում, իսկ ես ցուցադրում եմ իմ շքեղ կյանքը։ Նման հարձակումներից հետո ես ստիպված եմ դուրս գալ եւ հանրությանը պատմել, թե ինչ եմ անում մարդկանց համար, սակայն տանել չեմ կարողանում իմ բարեգործական գործունեությունը գովազդել»։
Wnews.am-ը ներկայացնում է հետաքրքիր փաստեր Կամալիայի մասին.
2008-ին նա արժանացել է «Միսս աշխարհ» տիտղոսին
Նա երգում է չորս լեզուներով
Պահում է բազմատեսակ կենդանիներ. շուն, կատու, թութակ, ձի եւ այլն
Լուսնի վրա ունի իր տարածքը
Ունի իր անունով աստղ
Թողարկել է իր սեփական բուրմունքը՝ With love, Kamaliya
1
2
3
4
5
4
2
3
4
5
