Հիվանդանոցում մահացել է Լոռու ողբերգական վթարից տուժած 3-րդ անձը (լուսանկարներ)

News.am-ը գրում է .

Վանաձորի բժշկական կենտրոնում մոտ մեկ ժամ առաջ մահացել է Լոռու ողբերգական վթարից տուժած եւ մեկ անձ, այսպիսով զոհերի թիվը հասել է 3–ի։

Ավելի վաղ NEWS.am-ը հաղորդել էր, որ այսօր՝ օգոստոսի 1-ին ողբերգական ավոտվթար է տեղի ունեցել Լոռու մարզի Վանաձոր-Դիլիջան ավտոճանապարհին՝ Մարգահովիտ գյուղի մոտակայքում։ Ժամը 19։40-ի սահմաններում իրար են բախվել Toyota Land Cruiser Prado մակնիշի 10 DD 017 համարանիշի և ՎԱԶ 21 099 մակնիշի 34 MS 925 համարանիշի ավտոմեքենաները։ Վթարի հետևանքով 2 հոգի տեղում մահացել են, իսկ չորսը ծայրահեղ ծանր վիճակում տեղափոխվել են Վանաձորի բժշկական կենտրոն։ Մոտ մեկ ժամ անց հիվանդանոցում մահացել է նաև վիրավորներից մեկը:

Մյուս վիրավորների վիճակը գնահատվում է ծանր: Պարզվել են մահացածների և վիրավորների ինքնությունը: Տեղում զոհվածները ՎԱԶ 21 099 մակնիշի մեքենայի ուղևորներն են Մարգահովիտ գյուղի բնակիչներ՝ 1993թ-ին ծնված Արեն Մարանդյանը և 1995թ-ին ծնված Էմիլ Խուդինյանը, իսկ հիվանդանոցում մահացածը՝Վանաձոր քաղաքի բնակիչ, 1993թ-ին ծնված Դավիթ Սարգսյանն է: Վիրավորներն են՝ Մարգահովիտ գյուղի բնակիչներ, 1992թ-ին ծնված Սասուն Դավթյանը, 1994թ-ին ծնված Միհրան Պողոսյանը, 1993թ-ին ծնված Արմեն Գևորգյանը: Նրանց վիճակը գնահատվում է ծանր: Դեպքի վայրում աշխատում են մեծ թվով իրավապահներ ու փորձագետներ: Toyota Land Cruiser Prado մակնիշի մեքենայի վարորդը ինքնակամ ներկայացել է ոստիկանության Գուգարքի բաժին:

Լուսանկարները՝ Ալեն Գրիգորյանի