Բաբայանի հերթական բոցը
Կարեն Մկոյանը ֆեյսբուքյան իր էջում գրում է .
ԲՀԿ-ական Վահան Բաբայանը վերջերս աչքի է ընկնում տարօրինակ պահվածքով: Պատգամավորը սկսել է իր կողմից բարձրացրած խնդիրները լավագույնս անլրջացնել:
Շաբաթներ առաջ, երբ ԲՀԿ-ական պատգամավորները քննարկում էին փողոցներում մուրացկանության ժամանակ երեխաներին օրավարձով վերցնելու թեման, Բաբայանը հայտարարել էր հետևյալը.
«Դեպքեր են եղել, որ այդ երեխաներին դեղ են խմացնում, որ անընդհատ քնեն ու փողոցում չլացեն»:
Բացի դա, պատգամավորների կողմից հնչում էին բավականին պատասխանատու և խնդրահարույց հայտատարարություններ:
Օրերս լրագրողները հարցրել են Բաբայանին իր հայտարարության մասին, որին ի պատասխան պատգամավորն ասել է, թե դա պարզապես մտահոգություն էր և ոչ ավելին:
Որաշակի ժամանակ առաջ, ԲՀԿ-ական պատգամավորները, մեկը մյուսին հերթ չտալով, ԱԺ ամբիոններից մեղադրում էին բոլոր հնարավոր գերատեսչություններին և պնդում, թե մուրացկանները օրավարձով երեխաներ են վերցնում:
Սա իրականում լուրջ մեղադրանք էր, սակայն պատգամավորներն այդպես էլ չէին կարողանում հստակ փաստարկներով հիմնավորել մեղադրանքը:
Այսօր, սակայն, Բաբայանը խոստովանում է, որ դա պարզապես մտահոգություն էր: Նման ցինիկ պահվածքը պարզապես անընդունելի է:
Սազական չէ ԱԺ պատգամավորին...Բաբայանը պետք է հասկանա, որ բարձր ամբիոններից անպատասխանատու հայտարարություններ անելն անլրջացնում է թե՛ տվյալ կառույցը և թե՛ տվյալ խմբակցությունը:
1
2
3
4
5
1
3
4
5
1
2
3
5
