Ադրբեջանի թալիշաբնակ շրջանների շիաների 90%-ը այաթոլլահ Խամենեիի հետևորդ է և հնազանդ նրա հրամաններին
Blog
Արտիոմ Տոնոյանը ֆեյսբուքյան իր էջում գրում է .
Ադրբեջանի թալիշաբնակ շրջանների շիաների 90%-ը այաթոլլահ Խամենեիի հետևորդ է և հնազանդ նրա հրամաններին
Երեք կարևոր դեպք, որոնք ես կառանձնացնեի Ադրբեջանի համար հուլիս ամսվա ընթացքում`
1) Թուրքիայում տեղի ունեցած ռազմական հեղաշրջման փորձի հետևանքներ (ANS հեռուստաընկերության հեռարձակման արտոնագրի չեղարկում, «Կովկաս» համալսարանի փակում և այլն)
2) Սահմանադրական փոփոխությունների համար հանրաքվեի անցկացման որոշման ընդունում: Որոշվեց անցկացնել սեպտեմբերի 26-ին:
3) Ադրբեջանի թալիշական համայնքի նշանավոր հոգևոր գործիչ շեյխ Սաիդ Աբդուլլաևի հայտարարությունը:
Եթե առաջին երկու կետերի մասին խոսվել և խոսվում է, ապա վերջին կետը մնացել է աննկատ, այնինչ արժանի է հատուկ ուշադրության:
Լենքորան քաղաքի բնակիչ, Ադրբեջանի թալիշների նշանավոր հոգևոր գործիչ շեյխ Սաիդը ԻԻՀ «Թալիշական ռադիոյին» տված հարցազրույցում ասել է. «Ադրբեջանի թալիշաբնակ շրջանների շիաների 90%-ը այաթոլլահ Խամենեիի հետևորդ է (moqalled - բառ. «ընդօրինակող») և հնազանդ է նրա հրամաններին: Թալիշները Հեղափոխության մեծ առաջնորդի հանդեպ անկեղծ համակրանք են տածում և նրա հրամանները ընդունում են որպես Մարգարեի հրաման:»
Հայտարարության տեքստից ակնհայտ է, թե քաղաքական ինչպիսի հզոր ուղերձ է այն պարունակում: Ադրբեջանի թալիշներն իրենց այս հայտարարությամբ փաստացիորեն դիմում են ոչ միայն Իրանին` ակնարկելով որոշ ակնկալիքների մասին, այլ նաև` Ալիևին` ցույց տալով իրենց «հոգևոր կապի խորությունը» Իրանի հետ:
1
2
3
4
5
1
2
3
4
5
2
3
