Ազատության հրապարակից երթը մեկնարկեց (ուղիղ միացում)

21:35

20:46

Ազատության հրապարակում մեկնարկեց հանրահավաքը՝ նախատեսվածից բավականին ուշ՝ «Սասնա ծռեր» վանկարկումներով: Ազատության հրապարակում են ԱԺ պատգամավոր Զարուհի Փոստանջյանն ու «Ժողովրդավարական հայրենիք» կուսակցության նախագահ Պետրոս Մակեյանը:

«Հիմնադիր խորհրդարանի» անդամ Հարություն Աղլամազյանը հայտարարեց, որ մինչ բարձրախոսի միանալը որոշ մարդիկ հայտարարություններով են հանդես եկել և փնովել են այլ երկրներին, սակայն իրենց պայքարը պետք է լինի հայակենտրոն:

Այսօր ժամը 19:00-ին հայտարարված էր հանրահավաք Ազատության հրապարակում.

Հիշեցնենք, որ Հուլիսի 17-ի առավոտյան մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահել այնտեղ գտնվող անձանց՝ պահանջելով ազատ արձակել մոտ մեկ ամիս առաջ մի խումբ անձանց կողմից ապօրինի կերպով զենք և ռազմամթերք ձեռք բերելը, փոխադրելը և պահելը կազմակերպելու մեղադրանքով կալանավորված Ժիրայր Սեֆիլյանին: ՀՀ ոստիկանության պարեկապահակային ծառայության գնդի վրա հարձակման հետևանքով զոհվել է Ոստիկանության գնդապետ Արթուր Վանոյանը: Հարձակման ընթացքում հրազենային վնասվածքներ են ստացել ՀՀ Ոստիկանության գնդապետ Արամ Հովհաննիսյանը, Ոստիկանության փոխգնդապետ Հրաչ Խոստեղյանը, Ոստիկանության ենթասպա Գագիկ Մկրտչյանը:

Պատանդ վերցվածներն ազատ են արձակվել մեկ շաբաթվա ընթացքում, սակայն հուլիսի 27-ին նրանք կրկին պատանդ են վերցրել բուժօգնության հասած բուժաշխատողներին:

Հուլիսի 30-ին գնդի տարածքից դիպուկահարի կրակոցից զոհվել է ոստիկանության զորքերի ծառայող Յուրի Տեփանոսյանը:

Հուլիսի 31-ին զինված խմբի անդամները վայր են դրել զենքն ու հանձնվել: