Ավստրիայի ՆԳՆ-ն հայտնել է ոստիկանական բաժանմունքներում ահաբեկչությունների սպառնալիքների մասին

Ավստրիայի ՆԳՆ-ն հաղորդագրություն է ստացել այն մասին, որ երկրի մի շարք տարածքների ոստիկանական բաժանմունքներում ահաբեկչություն է պատրաստվում: Նախարարության՝ սոցցանցի պաշտոնական էջում տեղեկություն է հրապարակվել այն մասին, որ ըստ իրավապահների ենթադրության՝ սպառնալիքի աղբյուրը իսլամիստներն են:

ՆԳՆ-ն նաեւ նշել է, որ միջադեպի հետաքննությունով զբաղվում է Սահմանադրության պաշտպանության ու ահաբեկչությանն դեմ պայքարի հարցերով դաշնային ծառայությունը: Անվտանգության միջոցառումները տեղ- տեղ ուժեղացվել են:

Հաղորդագրությունները ուղարկվել էին էլեկտրոնային փոստի կեղծ հասցեից, որից նախկինում էլ էին նույնատիպ սպառնալիքներ ստացվել: Սակայն այս անգամ նամակում նշվում են ենթադրյալ հարձակումների որոշակի հասցեներ ու ժամկետներ: ՆԳՆ–ն պարզաբանել է, որ ուղերձում նշված են Վենա, Ներքին Ավստրիա ու Շտիրիա դաշնային հողերում ոստիկանական բաժանմունքների հասցեները:

Միեւնույն ժամանակ գերատեսչությունում համարում են, որ տագնապելու հիմքեր չկան, չնայած ընդունում են, որ նման հաղորդագրությունները ամեն դեպքում զգուշավորություն դրսեւորելու պատճառ են, հայտնում է ՏԱՍՍ-ը: