Բարսելոնայում ձերբակալվել են հինգ «Վարդագույն հովազներ»
Միջազգային
Բարսելոնայում կալանավորվել են թանկարժեք իրերի կողոպուտով զբաղվող «Վարդագույն հովազներ» խմբավորման հինգ ենթադրյալ անդամներ: Այս մասին հայտնում է Associated Press–ը:
Ոստիկանությունը նրանց ձերբակալել է օգոստոսի 5-ին, այն բանից հետո, երբ նրանք թալանել են ոսկերչական խանութը: Ընդամենը մեկ րոպեում հանցագործները կարողացել էին 400 հազար եվրո արժողության թանկարժեք իրեր դուրս բերել խանութից: Հինգն էլ ծագումով սերբ են:
Ինտերպոլի կայքում հրապարակված տեղեկություններով, 1999-2015 թթ. ժամանակահատվածում «Վարդագույն հովազները» 334 մլն եվրոյի ոսկերչական իրեր են գողացել: Ընդ որում խմբավորումը 380 զինված կողոպուտ է իրականացրել էլիտար խանութներում:
Ըստ «Վիքիպեդիայի»՝ «Վարդագույն հովազներ» անվանումը ( համանուն կատակերգական ֆիլմերի պատվին) հենց Ինտերպոլն է տվել միջազգային հանցավոր ցանցին: Այդ ցանցի անդամները ծագումով Բոսնիայից, Խորվաթիայից, Չեռնոգորիայից ու Սերբիայից են:
1
2
3
4
5
2
5
1
4
5
