Մի քանի հայտնի դարձվածքների առաջացման մասին

Սանասար Կարապետյանը ֆեյսբուքյան իր էջում գրում է. 

-Սերը կույր է
Համաշխարհային գրականության մեջ առաջին անգամ այս արտահայտությունը հանդիպում է հույն փիլիսոփա Պլատոնի «Օրենքներ» շարադրության մեջ....«Սերը կուրացնում է,քանզի նա ,ով սիրում է, դառնում է կույր իր սիրո առարկայի հանդեպ»:
Արտահայտության նշանակությունը.
Օգտագործվում է որպես հեգնական մեկնաբանություն ինչ-որ մեկի՝ առաջին հայացքից տարօրինակ թվացող, անհասկանալի սիրահարվածության, անհամապատասխան կողակցի ընտրության:

-Օ,Սոլոն,Սոլոն,Սոլոն...
Ըստ ավանդույթի սրանք երբեմնի հարուստ ու երջանիկ Լիդիայի թագավոր Կրեսոսի խոսքերն են... սրանք նա արտասանել է զղջման պահին,որ ժամանակին չհավատաց հույն իմաստուն Սոլոնին...
Մի անգամ Սոլոնն ասել է թագավորին,որ« համարել մարդուն երջանիկ կենդանության օրոք , երբ նա դեռ ենթակա է վտանգների, սխալ է և զուրկ որևէ իմաստից»: Գտնվելով այդ ժամանակ իր հզորութան գագաթնակետին՝Լիդիայի թագավորը միայն ծիծաղել է իմաստունի խոսքերի վրա...Սակայն համոզվեց նրա խոսքերի ճշմարտացիությանը,երբ տարվում էր մահապատժի (այրել են խարույկի վրա, մահապատժի էր դատապարտվել Պարսկաստանի առաջին թագավոր Կյուրոսի կողմից (558-530մ.թ.ա.))..միայն այդ ժամանակ Կրեսոսը, հասկանալով ,թե որքան իրավացի էր Սոլոնը, բացականչել է .«Օ,Սոլոն..Սոլոն..Սոլոն...»
Արտահայտության նշանակությունը՝ սեփական անհեռատեսության և իմաստուն խրատի,խորհրդի հանդեպ արհամարհանք ցուցաբերելու համար զղջում,ափսոսանք:

-«Լրագրային բադեր»
Մի գիտնական շուկայում գնեց քսան բադ : Հրամայեց անմիջապես մորթել,կտրատել մանր կտորների և դրանցով կերակրել մնացած բադերին:Մի քանի րոպե անց նա կրկնեց նույնը մյուս բադի հետ և շարունակեց այսպես մինչև մնաց մի բադ,որն այս կերպ խժռեց իր 19 ընկերուհիներին:
Այս գրառումը թերթում տպագրել էր բելգիացի երգիծաբան Կորնելիսսեն, որպեզսի ծանակի դյուրահավատ հասարակությանը:Այդ օրվանից կեղծ լուրերը կոչվեցին «газетными утками».-«լրագրային բադեր»: