Թուրքիան և Ռուսաստանը, հնարավոր է, անցնեն ազգային արժույթներով վճարումների
Միջազգային
Թուրքիան և Ռուսաստանը առևտրում կարող են օգտագործել իրենց ազգային արժույթները:
Այս մասին հաղորդում է թուրքական Haberturk թերթը, Ռուսաստան կատարած այցի արդյունքներով լրագրողներին ասել է Թուրքիայի նախագահ Ռեջեփ Թայիփ Էրդողանը:
Էրդողանը գտնում է, որ առևտրում դոլարի փոխարեն ազգային արժույթների օգտագործումը շահավետ կլինի Ռուսաստանի և Թուրքիայի համար:
Թուրքական ԶԼՄ-ների համաձայն' ընթացիկ տարվա առաջին կեսին Թուրքիայի և Ռուսաստանի միջև ապրանքաշրջանառությունը կազմել է 8 մլրդ դոլար, իսկ անցյալ տարվա համապատասխան ժամանակաշրջանում' 10-11 մլրդ դոլար:
Թուրքիայի վիճակագրական ինստիտուտի տվյալներով' Ռուսաստանի հետ ապրանքաշրջանառությունը 2015 թվականին կազմել էր 23 մլրդ դոլար:
ՌԴ-ի Թուրքիայի միջև ապրանքաշրջանառության նվազումը կապված է անցյալ տարվա նոյեմբերին Սիրիայի տարածքում հակաահաբեկչական գործողությունների ժամանակ թուրքական օդուժի կողմից ռուսական Սու-24 ռմբակոծիչի դավադրաբար խոցման պատճառով երկու երկրների հարաբերությունների վատացման հետ:
Միջադեպի կապակցությամբ Էրդողանի կողմից Պուտինից ներողություն խնդրելուց հետո երկու երկրների առաջնորդները հանդիպել են Սանկտ Պետերբուրգում և որոշել վերականգնել նախկին տնտեսական կապերը:
1
2
3
4
5
3
4
5
1
2
3
4
5
