Տարեսկզբից Միջերկրական ծովով Եվրոպա է ժամանել ավելի քան 264 հազար միգրանտ
Միջազգային
Տարեսկզբից Միջերկրական ծովով եվրոպական երկրներ է ժամանել ավելի քան 264 հազար միգրանտ ու փախստական, ավելի քան 3,1 հազար մարդ զոհվել կամ անհետ կորել է ճանապարհին: Այդ մասին օգոստոսի 12-ին հայտնել է Միգրացիայի միջազգային կազմակերպությունը (ՄՄԿ):
Ըստ ՄՄԿ-ի գնահատումների՝ հունվարի 1-ից մինչեւ օգոստոսի 12-ը եվրոպական երկրներ ժամանած միգրանտների թիվը հասել է 264 հազար 513-ի: Զոհվածների եւ անհետ կորածների թիվը 3151 է:
Տարեսկզբից ամենաշատ միգրանտներ ու փախստականներ է ընդունել Հունաստանը՝ 161 հազար 232: Իտալիա են ժամանել 100 հազար 777 միգրանտներ ու փախստականներ: Մինչեւ Իսպանիա է կարողացել է հասնել 2476 փախստական, իսկ Կիպրոսն ընդունել է 28 մարդու:
2015 թվականի ամառային տարեշրջանի համեմատությամբ այս տարի միգրացիոն հոսքն զգալիորեն ավելի թույլ է: ՄՄԿ-ի վիճակագրությունը վկայում է, որ ընթացիկ տարվա հունիսին Եվրոպա է ժամանել շուրջ 20 հազար մարդ, հուլիսին՝ շուրջ 32,5 հազար այն դեպքում, երբ անցյալ տարվա հունիս եւ հուլիս ամիսներին գրանցվել են համապատասխանաբար ավելի քան 54 հազար եւ 78 հազարից ավելի միգրանտներ ու փախստականներ: 2016 թվականի օգոստոսի սկզբից եվրոպական երկրներ է կարողացել հասնել 6327 մարդ: Անցյալ տարվա օգոստոսին ժամանածների թիվն ավելի քան 130 հազար էր, հաղորդել է ՏԱՍՍ-ը:
1
2
3
4
5
1
2
3
4
5
2
3
