Բիլանը հայտնել է իր կտրուկ նիհարելու պատճառը (լուսանկար)

Լife.panorama.am-ը գրում է . 

Դիմա Բիլանը ապշեցրել է իր երկրպագուներին սոցցանցերում հրապարակած թարմ նկարներով. սիրված երգիչը կտրուկ նիհարել է։

Երկրպագուները անհանգստացել են, թե որն է նման կտրուկ փոփոխության պատճառը, որևէ լուրջ հիվանդությո՞ւն, թե՞ այլ պատճառ։

Անվերջ հարցերը հոգնեցրել են երգչին և նա որոշել է մեկնաբանել իր փոխված արտաքինը, բայց շատ զուսպ ձևով։ «Չեմ ուզում քաշ հավաքել, այսպես ավելի հեշտ է շարժվելը, և արվեստագետը պետք է քաղցած լինի»,- գրել է Բիլանը սոցցանցում։

Սակայն լրագրողներին նման պատասխանը չի գոհացրել և նրանք դիմել են Բիլանին ավելի մանրամասն մեկնաբանության համար։ Պարզվել է, որ Բիլանը իրեն հրաշալի է զգում և ուշադրություն է հրավիրել իր սննդակարգի վրա։ Նա այժմ տարված է հումակերությամբ, ուտում է քիչ չափաքանակով և ակտիվորեն զբաղվում սպորտով։

Բիլանի խոսքերով, մշտական հյուրախաղերը չեն օգնում սնվելու ճիշտ ռեժիմի հարցում, բացի այդ տարվա սկզբին նրա մոտ հայտնաբերվել էր ստամոքսի խոց։  Այդ պատճառով երգիչը ստիպված է ավելի ընտրողաբար մոտենալ իր սնվելուն։

Ի դեպ օգտատերերը նշել են, որ նիհարությունը ամենևին չի գեղեցկացնում Բիլանին և նախկինում նա ավելի լավ տեսք ուներ։