Ռուսաստանում էլեկտրաէներգիայի սակագինը ամեն տարի միջին հաշվով աճում է 15-20 տոկոսով, և ռուսները այդ նույն գործողությունը իրացնում են նաև Հայաստանում
Սանասար Կարապետյանը ֆեյսբուքյան իր էջում գրում է.
Ընդհանրապես՝ երբ հարց է դրվում, թե ինչ պետք է անել էլեկտրաէներգիայի սակագների շարունակական աճ թույլ չտալու համար, պետք է հասկանալ, որ նման հարցադրումը ընդհանրապես տեղին չէ, որովհետև Ռուսաստանում էլեկտրաէներգիայի սակագինը ամեն տարի միջին հաշվով աճում է 15-20 տոկոսով, և ռուսները այդ նույն գործողությունը իրացնում են նաև Հայաստանում, չնայած այն հանգամանքին, որ ՌԴ-ի շատ մարզերում սակագինը 2-3 անգամ ավելի էժան է ՀՀՀ-ում գործող սակագնից:
Դրա պատճառն այն է, որ ռուսական ընկերությունները ամենաանարդյունավետ կառավարիչներն են, այդ ընկերությունների մոտ կորուստները կազմում են 12-15 տոկոս՝ այն դեպքում, երբ Եվրոպայում միջին կորուստը տատանվում է 5-7 տոկոսի սահմաններում: Իսկ քանի որ ռուսները ոչ մի կապիտալ ներդրում չեն կատարում էներգաբաշխման համակարգում, և այն ֆիզիկապես, էլ չասած՝ բարոյապես մաշվում է, բնականաբար՝ մեծանում են իրական կորուստները, իսկ եթե դրան էլ գումարենք պարզ կողոպուտը, ապա առաջանում է սակագնի անընդհատ ու շարունակական բարձրացման անհրաժեշտություն:
Ըստ ՀԷՑ-ի հայտի պահանջի , եթե Հայաստանում էլեկտրաէներգիայի սակագինը դառնա 60 դրամ, ապա կստացվի, որ քաղաքացին պետք է վճարի միջին աշխատավարձի 10 տոկոսը, մի ցուցանիշ, որպիսին գոյություն չունի ամբողջ աշխարհում:
Հ.Գ. Կարծում եմ սակագնի չափը իբր կարգավորելուց առաջ խնդիրը պետք է դրվի բոլորովին այլ կերպ. ինչպես ազատվել էլեկտրաէներգիայի արտադրության և բաշխման գործում ռուսների ունեցած բացարձակ մենաշնորհից:
1
2
3
4
5
1
3
4
5
1
2
3
5
