Ինչպես շուտ հանել գրգռվածությունը դեպիլյացիայից հետո

Կանանց 90%-ը ընդհանուր բան ունի՝ կարմրություն, կտրվածքներ և տհաճ ցան՝ դեպիլյացիայից հետո: Ինչպե՞ս խուսափել այդ խնդիրներից:

Հալվե

Ամենաարդյունավետ բնական միջոցը, որն արագորեն հանգստացնում է գրգռված մաշկը և հանում կարմրությունը՝ հալվեն է: Կատարյալ տարբերակ է օգտագործել բնական գել անմիջականորեն ստացված դրանց տերևներից: Դուք միանգամից հաճելի սառնություն կզգաք մաշկի վրա:

Խոտաբույսեր

Եթե սափրելուց անմիջապես հետո մաշկի վրա կտրվածքներ և կարմրություններ են հայտնվում, թրջեք բամբակը սառեցված երիցուկի թուրմի մեջ և քսեք այդ հատվածում:

Սառույց

Մեկ այլ տնական միջոց է սառույցը: Տրորեք այն սափրվելուց մի քանի րոպե անց: Այդ կերպ դուք նեղացնում եք ծակոտիները և հանում այտուցվածությունը: Խորհուրդ տրվող տաք ցնցուղը կամ լոգանքը սխալ է, քանի որ այն կուժեղացնի գրգռվածությունը: Ծովային աղի օգտագործումը նույնպես սխալ է, քանի որ աղը շատ ուժեղ գրգռիչ հատկություն ունի:

Եթերային յուղեր

Ավստրալիական խորամանկություն՝ անանուխի, թեյի ծառի և էվկալիպտի եթերային յուղեր: Բացի այն, որ սրանք ունենում են հակասեպտիկ ազդեցություն, այլ նաև դանդաղեցնում են անցանկալի մազերի աճը և չեն թողնում, որպեսզի մազերը ներաճեն:

Դրանց օգտագործման ամենահեշտ միջոցը՝ բամբակը թաթախել մաքուր ջրում, վրան կաթացնել մեկ-երկու կաթիլ յուղ և քսել մաշկին:

Ջրածնի պերօքսիդ

Կենցաղի մեջ մենք արդեն սովոր ենք մշակել վերքերը ջրածնի պերօքսիդով, սակայն քիչ ենք օգտագործում այն որպես բյութի-գործիք: Բայց իրականում այն միանգամից կանգնեցնում է արյունը և խոչընդոտում վարակի ներթափանցումը: Սակայն այն ունի մեկ թերություն՝ չորացած արյան հետքեր: Այսպիսի արդյունքը փոքր-ինչ հարթելու համար, մաշկը ջրածնի պերօքսիդով մշակելուց հետո վրան խոնավեցնող կրեմ քսեք:

Թերմալ ջուր

Եթե ձեզ հաջողվել է խուսափել արյունից, ապա մաշկը կարելի է հանգստացնել սառեցված թերմալ ջրի օգնությամբ: