«Ոչ թալանին» նախաձեռնության անդամներն իշխանություններին երկու օր ժամանակ տվեցին
Header
Ազատության հրապարակը կրկին մարդաշատ է: Հազարավոր մարդիկ հավաքվել են իրենց բողոքի ձայնը բարձրացնելու էլեկտրաէներգիայի սակագնի բարձրացման դեմ,- հայտնում է Orer.am-ը:
Հիշեցնենք, որ նախապես պլանավորված հանրահավաք-երթը, որը վերածվեց նստացույցի, կազմակերվել է «Ոչ թալանին» նախաձեռնության անդամների կողմից, սակայն դրան միացել են նաեւ քաղաքական տարբեր բեւեռներում գտնվող անձիք` ՀԱԿ-ից, Ժառանգությունից, Հիմնադիր խորհրդարանից:
«Ոչ թալանին» նախաձեռնության անդամ Վաղինակ Շուշանյանը հավաքված հանրությանը հայտարարեց, որ հանրահավաքը վերածում են ցույցի, քանզի նախորդ հանրահավաք-երթն էֆեկտիվ չէր: Նա իշխանություններին եւս մեկ անգամ հիշեցրեց. «Այսօր Հայաստանում բնակվող անձիք գտնվում են ծանր սոցիալական պայմաններում և ի վիճակի չեն վճարել անհիմն թանկացումների համար: Մենք մնալու ենք եւ պայքարելու մինչեւ վերջ, այստեղ կմնանք մինչեւ երկուշաբթի ժամը 19.00-ն: Եթե իշխանությունները մինչ այդ հանդես չգան հայտարարությամբ այն մասին, որ հոսանքի գինը չի բարձրանալու, կշարժվենք Բաղրամյան 26»:
Նախաձեռնության մեկ այլ անդամ Արամ Մանուկյանն էլ հավելեց. «Մեր պահանջն արդարացի է, այսօր այստեղ ենք, որ տեր կանգնենք մեր իրավունքներին: Ուզում եմ հիշեցնել, որ մենք իշխանությունների ստրուկները չենք: Մեր երկրում պետք է վերականգնվի սոցիալական արդարությունը»:
Տեղեկացնենք, որ ըստ թույլտվության՝ արտոնված հանրահավաքը կարելի է իրականացնել մինչեւ ժամը 23.00-ն, իսկ մինչ այդ՝ 21:00-ին, Ազատության հրապարակում տեղի կունենա հանրային քննարկում` ստեղծված իրավիճակի եւ նախաձեռնության հետագա քայելրի վերաբերյալ:
Ի դեպ այս պահին իրավիճակը Ազատության հրապարակում լարված է, քանզի հավաքված հանրությունն իր հետ բերել է անվադողեր: Վերջիններս պնդում են, թե դրանք ծառայեցնում են որպես աթոռներ եւ դրանք այրելու եւ անկարգություններ հրահրելու միտումներ չունեն:
Սոսե Չանդոյան
1
2
3
4
5
1
2
3
4
1
2
