Կուժ քեզ ասում եմ, կուլա դու հասկացի...

Համլետ Աբրահամյանը ֆեյսբուքյան իր էջում գրում է. 

Հարգելի Համլետ ջան առանց քո ասելու էլ հրաշալի գիտենք որ մեր կյանքը վատ է, շատ վատ։ Գիտենք, որովհետև դա մեր կյանքն է ու մենք այդ կյանքով ապրում ենք։ Եթե կարծում ես դու խելքով ես ապա լավ կլինի մեզ ասես թե ինչպես լավացնենք մեր այդ վատ կյանքը։ Մի ուղի, մի ճանապարհ՝ թեկուզ մի նեղ կածան ցուց տաս որով գնանք ու հասնենք լավ կյանքին։ 

Թե չէ առավոտից երեկո մեզ, մեր երկրին, մեր ղեկավարությանը, ռուսներին, թուրքերին ու արևմտյան երկրներին հայհոյելով տվածդ վնասը շատ ավելին է քան եթե լռեիր ու թողնեիր որ մենք հանգիստ տապակվեինք մեր ցավ ու դարդի մեջ։

Քո այդ բայղուշ կռոցներով դու մեր կյանքը չես լավացնի հարգելիս։ Ընդհակառակը, մեր ցավն ու մեր այիբը մեր աչքը մտցնելով դու մեզ ավելի ցավ ես պատաճառում։ 
Կուժ քեզ ասում եմ կուլա դու հասկացի։

Իմ վրա ասեցի որ չնեղանաք ժողովուրդ ջան։
Ժամանակն է նկարագրականից գործնական առաջարկությունների անցնելու համար։ 

Եթե սրան նրան հայհոյելով երկիր շենանար բա էլ մարդիկ ինչու էին մեջք ծռում, կյանք մաշում ու զոհում այդ գործի համար։ Իրենց համար հանգիստ կնստեին իրենց բալկոնում, մի սուրճ կամ մի բաժակ գարեջուր դեմները կդնեին ու աշխարհի երեսի բոլոր համով ու անհամ հայհոյանքները կտային, իրենց երկիրը կլավացնեին։